2011 ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಕೇಪ್‌ಟೌನ್‌ನಲ್ಲಿ ನಡೆದ ಟೆಸ್ಟ್‌ನಲ್ಲಿ ಗಳಿಸಿದ 146 ರನ್‌ಗಳ ಇನಿಂಗ್ಸ್ ಸಚಿನ್‌ಗೆ ಈ ಪ್ರಶಸ್ತಿ ತಂದುಕೊಟ್ಟಿದೆ. 11 ತೀರ್ಪುಗಾರರಲ್ಲಿ ಏಳು ಮಂದಿ ಸಚಿನ್ ಪರವಾಗಿ ಮತ ಚಲಾಯಿಸಿದ್ದಾರೆ. ಕ್ಲಾರ್ಕ್ ಅವರ 151 ರನ್‌ಗಳ ಇನಿಂಗ್ಸ್‌ಗೆ ಎರಡನೇ ಸ್ಥಾನ ದೊರೆತಿದೆ. ಆಸೀಸ್ ಬ್ಯಾಟ್ಸ್‌ಮನ್ ಕೂಡಾ ಕೇಪ್‌ಟೌನ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ನಲ್ಲಿ ಈ ಸಾಧನೆ ತೋರಿದ್ದರು.
ಸಚಿನ್‌ಗೆ ದೊರೆತ ಎರಡನೇ `ಕ್ರಿಕ್‌ಇನ್ಫೋ~ ಪ್ರಶಸ್ತಿ ಇದು. 2009 ರಲ್ಲಿ ಅವರು ಏಕದಿನ ಕ್ರಿಕೆಟ್‌ನ ಶ್ರೇಷ್ಠ ಬ್ಯಾಟಿಂಗ್ ಪ್ರದರ್ಶನಕ್ಕೆ ನೀಡುವ ಪ್ರಶಸ್ತಿ ಪಡೆದಿದ್ದರು. ಆಸ್ಟ್ರೇಲಿಯಾ ವಿರುದ್ಧ ಹೈದರಾಬಾದ್‌ನಲ್ಲಿ ನಡೆದ ಪಂದ್ಯದಲ್ಲಿ ಗಳಿಸಿದ 175 ರನ್‌ಗಳು ಅವರಿಗೆ ಪ್ರಶಸ್ತಿ ತಂದುಕೊಟ್ಟಿತ್ತು.
