ಲಿಬರ್ಟಿ (ಅಮೆರಿಕ), (ಎಎಫ್ಪಿ): ಸರ್ಕಾರ ತೆಗೆದುಕೊಳ್ಳುವ ಸಾಲದ ಮಿತಿ ಹೆಚ್ಚಿಸದಿದ್ದರೆ ದೇಶ ದಿವಾಳಿಯಾಗ ಬೇಕಾಗುತ್ತದೆ ಎಂದು ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಎಚ್ಚರಿಕೆ ನೀಡಿದ್ದಾರೆ.
‘ಸಾಲದ ಮಿತಿ ಹೆಚ್ಚಿಸುವ ಪ್ರಸ್ತಾವ ಕೈಬಿಡಲು ರಿಪಬ್ಲಿಕನ್ ಪಕ್ಷದವರು ಮಾಡುತ್ತಿರುವ ತಂತ್ರ ಬೇಜವಾಬ್ದಾರಿತನದ ಪರಮಾವಧಿ’ ಎಂದೂ ಅವರು ಗುಡುಗಿದ್ದಾರೆ.
‘ಸಾಲ ಮಿತಿ ಹೆಚ್ಚಳಕ್ಕೆ ಸಂಬಂಧಿಸಿದ ಮಸೂದೆಯನ್ನು ಮುಂದಿನ ಕೆಲವು ವಾರಗಳಲ್ಲಿ ಸಂಸತ್ ಅನುಮೋದಿಸದಿದ್ದರೆ ಕೆಟ್ಟ ಪರಿಣಾಮ ಎದುರಿಸಬೇ ಕಾಗುತ್ತದೆ. ಅಮೆರಿಕದ ಇತಿಹಾಸಲ್ಲಿ ಎಂದೂ ಈ ರೀತಿ ಆಗಿಲ್ಲ’ ಎಂದೂ ಒಬಾಮ ಆತಂಕ ವ್ಯಕ್ತಪಡಿಸಿದ್ದಾರೆ.
ಮಸೂದೆಗೆ ತಣ್ಣೀರು: ಆಡಳಿತಾರೂಢ ಡೆಮಾಕ್ರಟಿಕ್ ಪಕ್ಷ ಮತ್ತು ಅಧ್ಯಕ್ಷ ಬರಾಕ್ ಒಬಾಮ ಅವರ ಮಹತ್ವಾಕಾಂಕ್ಷೆಯ ಆರೋಗ್ಯ ಯೋಜನೆ (‘ಒಬಾಮ ಕೇರ್’) ವಿಫಲಗೊಳಿಸುವ ಮಸೂದೆಯೊಂದನ್ನು ಜನಪ್ರತಿನಿಧಿಗಳ ಸಭೆಯಲ್ಲಿ ಶುಕ್ರವಾರ ಅಂಗೀಕರಿಸ ಲಾಯಿತು.