ಜೊಹಾನ್ಸ್‌ಬರ್ಗ್ (ಎಎಫ್‌ಪಿ): ಸಾವಿನ ವಿಚಾರದಲ್ಲಿ ವಿಚಲಿತರಾಗದ ನೆಲ್ಸನ್ ಮಂಡೇಲಾ ಅವರು 15 ವರ್ಷಗಳ ಹಿಂದೆಯೇ, ಮರಣಶಯ್ಯೆಯಲ್ಲಿದ್ದ ಬಾಲಕನೊಬ್ಬನಿಗೆ ಧೈರ್ಯ ಹೇಳುವಾಗ ತಾವು ತುಂಬು ಜೀವನ ನಡೆಸಿರುವುದಾಗಿ ಹೇಳಿದ್ದರು.
ಮಂಡೇಲಾ ನೀಡಿದ್ದ ಈ ಹೇಳಿಕೆಗಳು ವಿಡಿಯೊದಲ್ಲಿ ಸೆರೆಯಾಗಿದೆ. 1998ರಲ್ಲಿ ಚಿತ್ರೀಕರಿಸಲಾಗಿದ್ದ ಇದನ್ನು ಅಮೆರಿಕದ ಚಾನೆಲ್ `ಸಿಬಿಎಸ್' ಪ್ರಸಾರ ಮಾಡಿದೆ.
ಮಿದುಳು ಕ್ಯಾನ್ಸರ್‌ನಿಂದ ನರಳುತ್ತಿದ್ದ `ನೆಲ್ಸನ್' ಎಂಬ 15 ವರ್ಷದ ಬಾಲಕನನ್ನು ಭೇಟಿ ಮಾಡಿದ್ದ ಮಂಡೇಲಾ, ಆತನಿಗೆ ಧೈರ್ಯ ತುಂಬಿದ್ದರು.
