ಸಾಹಿತ್ಯ ಅಭಿರುಚಿ ಜನಸಾಮಾನ್ಯರಲ್ಲಿ ಬೆಳೆಯಲಿ

ಉದ್ಘಾಟನೆ: ಬಸವೇಶ್ವರ ವಿದ್ಯಾ ಸಂಸ್ಥೆಯಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ಕಾರ್ಯಾಲಯವನ್ನು ಕಸಾಪ ಜಿಲ್ಲಾ ಗೌರವ ಅಧ್ಯಕ್ಷ ಶರಣೇಗೌಡ ಅವರು ಉದ್ಘಾಟನೆ ಮಾಡಿದರು.

ಹೊಸದಾಗಿ ದತ್ತಿ ನೀಡಿದ ಬಸವರಾಜಪ್ಪ ಬಂಡೆಗುಡ್ಡ ಮತ್ತು ನಿರಂಜನ ಬಳೆ ಮಸರಕಲ್, ಭಾರತಿ ಕೋಡಿಮಠ, ಕನ್ನಡದಲ್ಲಿ ಅತಿ ಹೆಚ್ಚು ಅಂಕಪಡೆದಿರುವ ವಿದ್ಯಾರ್ಥಿನಿ ಸಂಜನಾ ಅವರ ಪಾಲಕರಾದ ಕೆ. ಶರಣಗೌಡ, ಕೋಟ್ಯಾಧಿಪತಿ ಕಾರ್ಯಕ್ರಮದಲ್ಲಿ ಮಟ್ಟ ಮೊದಲ ಬಾರಿಗೆ 50 ಲಕ್ಷ ಬಹುಮಾನ ಪಡೆದಿರುವ ಶಿಕ್ಷಕ ಪಂಪಣ್ಣ ಅವರಿಗೆ ಕಾರ್ಯಕ್ರಮದ ವತಿಯಿಂದ ಸನ್ಮಾನಿಸಲಾಯಿತು.

ಹಸ್ತಾಂತರ: ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್‌ಗೆ ಹೊಸದಾಗಿ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ನರಸಿಂಗರಾವ್ ಸರ್ಕಿಲ್ ಅವರಿಗೆ ನಿಕಟಪೂರ್ವ ಅಧ್ಯಕ್ಷ ರಂಗಣ್ಣ ಪಾಟೀಲ ಅಳ್ಳುಂಡಿ ಅವರು ಕನ್ನಡ ಧ್ವಜ ನೀಡುವ ಮೂಲಕ ಅಧಿಕಾರಿ ಹಸ್ತಾಂತರ ಮಾಡಿದರು.

ಕಾರ್ಯಕ್ರಮದಲ್ಲಿ ಕಸಾಪ ಜಿಲ್ಲಾ ಗೌರವ ಅಧ್ಯಕ್ಷ ಶರಣೇಗೌಡ, ಕಾರ್ಯದರ್ಶಿ ದೇವಿಂದ್ರಗೌಡ, ತಾಲ್ಲೂಕು ಕಸಾಪ ಅಧ್ಯಕ್ಷ ನರಸಿಂಗರಾವ್ ಸರ್ಕಿಲ್, ಪದಾಧಿಕಾರಿಗಳಾದ ವನಜಾಕ್ಷಮ್ಮವಾರದ, ಇಕ್ಬಾಲ್‌ಸಾಬ ಅರಕೇರಾ, ಬಸವರಾಜ ಅಕ್ಕರಿಕಿ ಹಾಗೂ ಮತ್ತಿತರರು ಉಪಸ್ಥಿತರಿದ್ದರು.

ಕನ್ಯಾ ಮಾದರಿ ಶಾಲೆಯ ವಿದ್ಯಾರ್ಥಿನಿಯರು ಪ್ರಾರ್ಥಿಸಿದರು, ಶಿವರಾಜ ಅಕ್ಕಿಕಲ್, ಭೀಮೋಜಿರಾವ್ ಜಗತಾಪ್ ನಿರೂಪಿಸಿದರು, ಪ್ರಾಣೇಶ ಶೆಟ್ಟಿ ವಂದಿಸಿದರು.