ನವದೆಹಲಿ (ಐಎಎನ್ಎಸ್): ಕಾಮನ್ವೆಲ್ತ್ ಕ್ರೀಡಾಕೂಟ ಹಗರಣಕ್ಕೆ ಸಂಬಂಧಿಸಿದಂತೆ ಕ್ರೀಡಾಕೂಟದ ಸಂಘಟನಾ ಸಮಿತಿಯ ಅಧ್ಯಕ್ಷ ಸುರೇಶ್ ಕಲ್ಮಾಡಿ ಅವರ ಇಬ್ಬರು ನಿಕಟವರ್ತಿಗಳನ್ನು ಸಿಬಿಐ ಬುಧವಾರ ಬಂಧಿಸಿದೆ.
ಸಮಿತಿಯ ಪ್ರಧಾನ ಕಾರ್ಯದರ್ಶಿಯಾಗಿದ್ದ ಲಲಿತ್ ಭಾನೋಟ್ ಮತ್ತು ಪ್ರಧಾನ ನಿರ್ದೇಶಕರಾಗಿದ್ದ ವಿ.ಕೆ.ವರ್ಮಾ ಬಂಧಿತರು. 25 ವರ್ಷಕ್ಕೂ ಹೆಚ್ಚು ಸಮಯ ಈ ಇಬ್ಬರೂ ಕ್ರೀಡಾ ಆಯುಕ್ತರಾಗಿ ಸೇವೆ ಸಲ್ಲಿಸಿದ್ದಾರೆ.
ಕ್ರೀಡಾ ಗಡಿಯಾರಕ್ಕೆ ಸಂಬಂಧಿಸಿದಂತೆ ಸ್ವಿಟ್ಜರ್ಲೆಂಡ್ನ ಕಂಪೆನಿಯೊಂದಿಗೆ ನಡೆದ 1.7 ಶತಕೋಟಿ ರೂಪಾಯಿ ಒಪ್ಪಂದದಲ್ಲಿ ಅಕ್ರಮ ಎಸಗಿದ ಆರೋಪದಲ್ಲಿ ಇವರನ್ನು, ಕಳೆದ ತಿಂಗಳು ವಜಾ ಮಾಡಲಾಗಿತ್ತು.