ಮುಂಬೈ(ಪಿಟಿಐ): ಮುಂಬೈ ಷೇರುಪೇಟೆಯಲ್ಲಿ 15 ತಿಂಗಳ ನಂತರ ಮತ್ತೆ ತೇಜಿ ಉಂಟಾಗಿದ್ದು, ಸಂವೇದಿ ಸೂಚ್ಯಂಕ ವು ಗುರುವಾರ 19000 ಅಂಶಗಳ ಗಡಿಯನ್ನು ಮತ್ತೊಮ್ಮೆ ದಾಟಿತು.
ಕೇಂದ್ರ ಸರ್ಕಾರ `ವಿದೇಶಿ ನೇರ ಹೂಡಿಕೆ~ಗೆ ಹೆಚ್ಚಿನ ಅವಕಾಶ ನೀಡುವ ಮೂಲಕ ಆರ್ಥಿಕ ಸುಧಾರಣಾ ಕ್ರಮಗಳನ್ನು ಕೈಗೊಂಡಿದ್ದರ ಪರಿಣಾಮವಾಗಿ ಷೇರುಪೇಟೆಯಲ್ಲಿ ಭಾರಿ ಆಶಾದಾಯಕ ಬೆಳವಣಿಗೆ ಕಂಡುಬಂದಿದೆ. ಅದರಿಂದಾಗಿಯೇ ಸೂಚ್ಯಂಕದಲ್ಲಿ ಭಾರಿ ಏರಿಕೆ ಕಂಡುಬಂದಿತು ಎಂದು ಮಾರುಕಟ್ಟೆ ಪಂಡಿತರು ವಿಶ್ಲೇಷಿಸಿದ್ದಾರೆ.
2011ರ ಜುಲೈನಲ್ಲಿ 19,107.04 ಅಂಶ ದಾಖಲಿಸಿದ್ದ `ಬಿಎಸ್ಇ~, ಈಗ ಮತ್ತೆ ಅದೇ ಮಟ್ಟದ ಬೆಳವಣಿಗೆ ತೋರಿದೆ. ಒಂದೇ ದಿನದಲ್ಲಿ 188.46 ಅಂಶ ಏರಿಕೆ ದಾಖಲಿಸಿದ ಸಂವೇದಿ ಸೂಚ್ಯಂಕವು 19,058.15ರಲ್ಲಿ ದಿನದಂತ್ಯ ಕಂಡಿದೆ.