ವಾಷಿಂಗ್ಟನ್ (ಐಎಎನ್ಎಸ್): ಪದೇ ಪದೇ ಮೊಬೈಲ್ ಚಾರ್ಜ್ ಮಾಡುವುದು ಯಾರಿಗಾದರೂ ಬೇಸರದ ಸಂಗತಿ. ಆದರೆ, ಎಷ್ಟೇ ಸಾಮರ್ಥ್ಯದ ಬ್ಯಾಟರಿಯಾದರೂ ವರ್ಷ ಕಳೆಯುವುದರಲ್ಲಿ ದಿನಕ್ಕೊ ಮ್ಮೆಯಾದರೂ ಚಾರ್ಜ್ ಮಾಡಬೇಕಾಗುತ್ತದೆ.
ಮುಂದಿನ ದಿನಗಳಲ್ಲಿ ಈ ತಲೆನೋವು ತಪ್ಪಿಸಲು ಸೂಪರ್ ಬ್ಯಾಟರಿಗಳನ್ನು ಸಿದ್ಧಪಡಿಸಲು ಅಮೆರಿಕದ ವಿಜ್ಞಾನಿಗಳು ಯತ್ನಿಸುತ್ತಿದ್ದು, ಈ ನಿಟ್ಟಿನಲ್ಲಿ ಪ್ರಯೋಗಗಳು ನಡೆಯುತ್ತಿವೆ.
ಸೂಪರ್ ಬ್ಯಾಟರಿಗಳು ಈಗಿರುವ ಲಿಥಿಯಂ ಬ್ಯಾಟರಿಗಳಿಗಿಂತ ಎರಡು, ಮೂರು ಪಟ್ಟು ಹೆಚ್ಚಿನ ಸಾಮರ್ಥ್ಯ ಹೊಂದಿರುತ್ತವೆ ಎನ್ನಲಾಗಿದೆ.