ಮಾಸ್ಕೊ (ಪಿಟಿಐ): ಸೂಯಜ್ ಎಸ್‌ಎಲ್‌ವಿ ಬಾಹ್ಯಾಕಾಶ ನೌಕೆಯ ದುರಂತಕ್ಕೆ ನಿರ್ಮಾಣ ದೋಷವೇ ಕಾರಣ ಎಂದು ಪತ್ತೆಹಚ್ಚಲಾಗಿದೆ.ಆಗಸ್ಟ್ 24ರಂದು ದುರಂತಕ್ಕೀಡಾದ ಈ ನೌಕೆಯ ಎಂಜಿನ್‌ಗೆ ಉಡ್ಡಯನ ವೇಳೆಯಲ್ಲಿ ಸಮರ್ಪಕವಾಗಿ ಇಂಧನ ಪೂರೈಕೆಯಾಗಿಲ್ಲ. ಈ ವೈಫಲ್ಯದಿಂದಾಗಿ ನೌಕೆಯು ದುರಂತಕ್ಕೊಳಗಾಗಿದೆ ಎಂದು ಈ ಸಂಬಂಧ ತನಿಖೆ ಕೈಗೊಂಡಿದ್ದ ವಿಶೇಷ ಆಯೋಗವು ತಿಳಿಸಿದೆ.
ನೌಕೆಯು ಉಡ್ಡಯನಗೊಂಡ ವೇಳೆ ಕ್ಷಿಪಣಿಯಿಂದ ಬೇರ್ಪಡಲು ಸಾಧ್ಯವಾಗದೆ ದುರಂತಕ್ಕೀಡಾಗಿ ದಕ್ಷಿಣ ಸೈಬೀರಿಯಾದ ಅಲ್ತಾಯಿ ರಿಪಬ್ಲಿಕ್ ಪ್ರದೇಶದಲ್ಲಿ ಧರೆಗುರುಳಿತ್ತು.ರಷ್ಯದ ಬಾಹ್ಯಾಕಾಶ ಇತಿಹಾಸದಲ್ಲಿ ಹಿಂದೆಂದೂ ಇಂತಹ ನಷ್ಟ ಸಂಭವಿಸಿರಲಿಲ್ಲ ಎಂದು ರಿಯೊ ನೊವೊಸ್ತಿ ಸುದ್ದಿಸಂಸ್ಥೆ ತಿಳಿಸಿದೆ.
