ಮುಂಬೈ (ಪಿಟಿಐ): ಹೂಡಿಕೆದಾರರಿಗೆ ಮಾಹಿತಿ ನೀಡಲು, ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಉಚಿತ ಸಹಾಯವಾಣಿ ಸೇವೆ ಪ್ರಾರಂಭಿಸಿದೆ.
ಈ ಸೇವೆಯು ದೇಶದಾದ್ಯಂತ 14 ಪ್ರಾದೇಶಿಕ ಭಾಷೆಗಳಲ್ಲಿ ಲಭ್ಯವಿದ್ದು, ಹೂಡಿಕೆದಾರರು ಸೋಮವಾರದಿಂದ -ಶುಕ್ರವಾರದವರೆಗೆ ಬೆಳಿಗ್ಗೆ 9:30ರಿಂದ ಸಂಜೆ 5:30ರ ಒಳಗೆ 1800227575 ಸಂಖ್ಯೆಗೆ (ದರ ರಹಿತ) ಕರೆ ಮಾಡುವ ಮೂಲಕ ಷೇರು ಪೇಟೆಯ ಬಗ್ಗೆ ಮಾಹಿತಿ ಪಡೆಯಬಹುದು. ಷೇರುಗಳ ವರ್ಗಾವಣೆ, ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಸೇರಿದಂತೆ ಇತರೆ ಮಾಹಿತಿಗಳನ್ನು ಪಡೆಯಬಹುದು.
ಪ್ರಾರಂಭದಲ್ಲಿ ಹಿಂದಿ, ಇಂಗ್ಲಿಷ್, ಮರಾಠಿ, ತಮಿಳು, ಬಂಗಾಲಿ, ಮಲೆಯಾಳಂ, ತೆಲುಗು, ಉರ್ದು, ಓರಿಯಾ ಮತ್ತು ಪಂಜಾಬಿ ಭಾಷೆಗಳಲ್ಲಿ ಲಭ್ಯವಿದೆ. ಕನ್ನಡದಲ್ಲಿ ಶೀಘ್ರದಲ್ಲಿಯೇ ಈ ಸೇವೆ ಪ್ರಾರಂಭಿಸಲಾಗುವುದು ಎಂದು `ಸೆಬಿ~ ಪ್ರಕಟಣೆ ತಿಳಿಸಿದೆ.