ಸೆಮಿಫೈನಲ್‌ಗೆ ಪಂಕಜ್, ಭಾಸ್ಕರ್

ಚೆಸ್: ಹರಿಕೃಷ್ಣಗೆ ಗೆಲುವು
ವಿಕ್ ಆ್ಯನ್ ಜೀ, ಹಾಲೆಂಡ್ (ಪಿಟಿಐ): ಏಷ್ಯನ್ ಚಾಂಪಿಯನ್ ಪಿ. ಹರಿಕೃಷ್ಣ ಇಲ್ಲಿ ನಡೆಯುತ್ತಿರುವ ಟಾಟಾ ಸ್ಟೀಲ್ ಚೆಸ್ ಟೂರ್ನಿಯಲ್ಲಿ ಅಗ್ರಸ್ಥಾನ ಕಾಪಾಡಿಕೊಂಡಿದ್ದಾರೆ. ಗುರುವಾರ ನಡೆದ 10ನೇ ಸುತ್ತಿನ ಸ್ಪರ್ಧೆಯಲ್ಲಿ ಅವರು ಇಟಲಿಯ ಡೇನಿಯಲ್ ವೊಕಾಟುರೊ ವಿರುದ್ಧ ಗೆಲುವು ಪಡೆದರು.

ಇದೀಗ ಭಾರತದ ಸ್ಪರ್ಧಿ ಒಟ್ಟು ಎಂಟು ಪಾಯಿಂಟ್‌ಗಳೊಂದಿಗೆ ಎಲ್ಲರಿಗಿಂತ ಮುಂದಿದ್ದಾರೆ. ಎರಡನೇ ಸ್ಥಾನದಲ್ಲಿರುವ ರಷ್ಯಾದ ಅಲೆಕ್ಸಾಂಡರ್ ಮೊಟಿಲೇವ್ ಬಳಿ ಏಳು ಪಾಯಿಂಟ್‌ಗಳಿವೆ. ಭಾರತದ ಡಿ. ಹರಿಕಾ ಹಾಲೆಂಡ್‌ನ ಜಾನ್ ಟಿಮನ್ ಜೊತೆ ಪಾಯಿಂಟ್ ಹಂಚಿಕೊಂಡರು. `ಸಿ~ ಗುಂಪಿನ ಪಂದ್ಯದಲ್ಲಿ ತಾನಿಯಾ ಸಚ್‌ದೇವ್ ಹಾಲೆಂಡ್‌ನ ಲೀಸಾ ಶ್ಕಟ್ ಅವರನ್ನು ಮಣಿಸಿ ಟೂರ್ನಿಯ ಮೊದಲ ಜಯ ದಾಖಲಿಸಿದರು.