`ಲೂಟೇರಾ' ಚಿತ್ರದಲ್ಲಿ ಮಗಳ ಅಭಿನಯ ಕೌಶಲ ಕಂಡು ಪೂನಂ ಸಿನ್ಹ ಆನಂದತುಂದಿಲರಾಗಿದ್ದಾರೆ. `ಸೋನಾಕ್ಷಿಗೆ ಇನ್ನು ಅವರಪ್ಪ ಶತ್ರುಘ್ನ ಸಿನ್ಹ ಕೂಡ ಕಿವಿಮಾತು ಹೇಳಲು ಹಿಂದುಮುಂದು ನೋಡಬೇಕು, ಹಾಗಿದೆ ಅವಳ ಅಭಿನಯ' ಎಂದು ಬಾಯಿತುಂಬಾ ಹೊಗಳಿದ್ದಾರೆ.
ಜುಲೈ 5ರಂದು ತೆರೆಕಾಣಲಿರುವ `ಲೂಟೇರಾ' 1950ರ ದಶಕದ ಪ್ರೇಮಕತೆಯನ್ನು ಒಳಗೊಂಡ ಚಿತ್ರ. ವಿಕ್ರಮಾದಿತ್ಯ ಮೋಟ್ವಾನೆ ಚಿತ್ರದ ನಿರ್ದೇಶಕ. ಸೋನಾಕ್ಷಿ ಸಿನ್ಹ ಅವರಿಗೆ ಜೋಡಿಯಾಗಿ ರಣವೀರ್ ಸಿಂಗ್ ಅಭಿನಯಿಸಿದ್ದಾರೆ.
`ಇದುವರೆಗೆ ಮಗಳು ನಟಿಯಾಗಿ ಬೆಳೆಯಬೇಕು ಎಂದು ಅನೇಕ ಸಲ ಅವಳಿಗೆ ಕಿವಿಮಾತು ಹೇಳುತ್ತಿದ್ದೆ. ಈ ಚಿತ್ರದಲ್ಲಿ ಅವಳ ಅಭಿನಯ ಕಂಡು ನನಗೆ ಮಾತೇ ಹೊರಡದಂತಾಯಿತು.
