ಅಶೋಕನಗರದಲ್ಲಿರುವ ರಾಜ್ಯ ಫುಟ್ಬಾಲ್ ಸಂಸ್ಥೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸ್ಟೀಫನ್ ಹ್ಯಾಟ್ರಿಕ್ ಗೋಲು ಕಲೆ ಹಾಕಿದರು. ಆ ಗೋಲುಗಳು 33, 51 ಹಾಗೂ 81ನೇ ನಿಮಿಷದಲ್ಲಿ ಬಂದವು. ಇದಕ್ಕೂ ಮುನ್ನ ವಿಘ್ನೇಶ್ ಪಂದ್ಯ ಆರಂಭದ ಮೊದಲ ನಿಮಿಷದಲ್ಲಿಯೇ ಗೋಲು ಗಳಿಸಿ ತಂಡದ ಉತ್ಸಾಹವನ್ನು ಹೆಚ್ಚಿಸಿದ್ದರು. ಇನ್ನುಳಿದ ಗೋಲುಗಳನ್ನು ಅಮೋಸ್ 12, 22ನೇ ನಿಮಿಷದಲ್ಲಿ ತಂದಿತ್ತರೆ, ಸುನಿಲ್ ಕುಮಾರ್ 26ನೇ ನಿಮಿಷದಲ್ಲಿ ಒಂದು ಗೋಲು ಗಳಿಸಿ ಗೆಲುವಿನ ಅಂತರ ಹೆಚ್ಚಿಸಿದರು.