ಕ್ಯಾನ್ಬೆರಾ (ಪಿಟಿಐ): ಭಾರತದ ದೀಪಿಕಾ ಪಲ್ಲಿಕಲ್ ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯನ್ ಓಪನ್ ಸ್ಕ್ವಾಷ್ ಟೂರ್ನಿಯಲ್ಲಿ ಅಚ್ಚರಿಯ ಫಲಿತಾಂಶ ನೀಡುವ ಮೂಲಕ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.
ನ್ಯಾಷನಲ್ ಕನ್ವೆನ್ಷನ್ ಸೆಂಟರ್ನಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ದೀಪಿಕಾ ಆರನೇ ಶ್ರೇಯಾಂಕದ ಆಟಗಾರ್ತಿ ಫ್ರಾನ್ಸ್ನ ಕ್ಯಾಮಿಲಾ ಸೆರ್ಮ್ ವಿರುದ್ಧ 3-1 ಅಂತರದ ಜಯ ಪಡೆದರು. ಇಲ್ಲಿ 11ನೇ ಶ್ರೇಯಾಂಕ ಹೊಂದಿರುವ ದೀಪಿಕಾ ಮೊದಲ ಗೇಮ್ಅನ್ನು 3-11 ರಲ್ಲಿ ಕಳೆದುಕೊಂಡರು. ಆ ಬಳಿಕ ಅತ್ಯುತ್ತಮ ಪ್ರದರ್ಶನ ನೀಡಿ ಮುಂದಿನ ಗೇಮ್ಗಳಲ್ಲಿ 11-9, 11-9, 11-6 ರಲ್ಲಿ ಜಯ ಪಡೆದು ಕ್ವಾರ್ಟರ್ ಫೈನಲ್ಗೆ ಮುನ್ನಡೆದರು.
ದೀಪಿಕಾ ಎಂಟರಘಟ್ಟದ ಪಂದ್ಯದಲ್ಲಿ ಅಮೆರಿಕದ ಅಮಂಡಾ ಸೊಬಿ ವಿರುದ್ಧ ಪೈಪೋಟಿ ನಡೆಸುವರು.