ಹಗರಣದಲ್ಲಿ ಪಾತ್ರವಿಲ್ಲ: ಕುಶಾವ ಸಮರ್ಥನೆ

ಬಿಎಸ್‌ಪಿ ತೊರೆದು ಬಿಜೆಪಿ ಸೇರಿದ ನಂತರ ಇದೇ ಮೊದಲ ಬಾರಿಗೆ ಮಾತನಾಡಿದ ಅವರು, `ಬಿಎಸ್‌ಪಿಗೆ 28 ವರ್ಷಗಳ ಸೇವೆ ಸಲ್ಲಿಸಿದ ನಂತರ ನನ್ನನ್ನು ಉಚ್ಛಾಟಿಸಲಾಗಿದೆ. ಹಿಂದುಳಿದ ವರ್ಗಗಳಲ್ಲಿ ನನ್ನ ಜನಪ್ರಿಯತೆ ಹೆಚ್ಚುತ್ತಿರುವುದನ್ನು ಸಹಿಸದೆ ಹೀಗೆ ಮಾಡಲಾಗಿದೆ~ ಎಂದು `ಸೈನಿ ಶಕ್ಯ ಕುಶಾವ~ ಜನಾಂಗದ ಸಮಾವೇಶದಲ್ಲಿ ಹೇಳಿದರು.

`ರಾಜ್ಯ ಸರ್ಕಾರ ಪೊಲೀಸ್ ಬಲ ಬಳಸಿಕೊಂಡು ವಿನಾಕಾರಣ ನನ್ನ ಮೇಲೆ ದೂರು ದಾಖಲಾಗುವಂತೆ ನೋಡಿಕೊಂಡಿತು. ನನ್ನನ್ನು ಅವಹೇಳನ ಮಾಡಲು ಮಾಧ್ಯಮಗಳನ್ನೂ ಬಳಸಿಕೊಂಡಿತು~ ಎಂದು ದೂಷಿಸಿದರು.