ಲಂಡನ್ (ಪಿಟಿಐ): ಸೋಮಾಲಿಯಾ ಕಡಲ್ಗಳ್ಳರು ಸೋಮವಾರ ಅಪಹರಿಸಿದ್ದ ಇಟಲಿಯ ಸರಕು ಸಾಗಣೆ ಹಡಗಿನ ಮೇಲೆ ಬ್ರಿಟನ್ನ ವಿಶೇಷ ಪಡೆಗಳು ಮಂಗಳವಾರ ದಾಳಿ ನಡೆಸಿದ್ದು ಆರು ಮಂದಿ ಭಾರತೀಯರು ಸೇರಿದಂತೆ ಅದರಲ್ಲಿದ್ದ 23 ಮಂದಿ ಚಾಲಕ ಸಿಬ್ಬಂದಿಯನ್ನು ಬಿಡುಗಡೆಗೊಳಿಸಿದ್ದಾರೆ.
ಹಡಗನ್ನು ಅಪಹರಿಸಿದ್ದ 11 ಮಂದಿ ಕಡಲ್ಗಳ್ಳರನ್ನು ಬಂಧಿಸಲಾಗಿದೆ ಎಂದು ಮೂಲಗಳನ್ನು ಉದ್ಧರಿಸಿ ಸುದ್ದಿಸಂಸ್ಥೆಯೊಂದು ಹೇಳಿದೆ. ಹಡಗಿನಲ್ಲಿ ಕಬ್ಬಿಣದ ವಸ್ತುಗಳನ್ನು ಸಾಗಿಸಲಾಗುತ್ತಿತ್ತು.