ಮೆಲ್ಬರ್ನ್ (ಪಿಟಿಐ): ಕ್ಷೀರಪಥದ ಅತ್ಯಂತ ಹಳೆಯ ತಾರಾ ಮಂಡಲವೊಂದರಲ್ಲಿ ಅತಿ ಸಾಂದ್ರವಾದ ಎರಡು ಕಪ್ಪು ರಂಧ್ರಗಳನ್ನು ಸಂಶೋಧಕರು ಅನಿರೀಕ್ಷಿತವಾಗಿ ಪತ್ತೆ ಹಚ್ಚಿದ್ದಾರೆ.
1200 ಕೋಟಿ ವಯಸ್ಸಿನ ಎಂ- 22 ಎಂಬ ತಾರಾಗುಚ್ಛದಲ್ಲಿ ಈ ಕಪ್ಪು ರಂಧ್ರಗಳು ಪತ್ತೆಯಾಗಿವೆ. ಇಷ್ಟು ಹಳೆಯದಾದ ತಾರಾ ಗುಚ್ಛದಲ್ಲಿ ಕಪ್ಪು ರಂಧ್ರಗಳಲ್ಲಿ ಇರಲಾರವು ಎಂದೇ ಖಗೋಳ ತಜ್ಞರು ಪ್ರತಿಪಾದಿಸುತ್ತಾ ಬಂದಿದ್ದರು. ಆದರೆ ಇದೀಗ ಅಂತಹ ನಕ್ಷತ್ರ ಗುಚ್ಛದಲ್ಲೇ ಕಪ್ಪು ರಂಧ್ರಗಳು ಪತ್ತೆಯಾಗಿರುವುದು ಅಚ್ಚರಿ ಮೂಡಿಸಿದೆ.
