ಉಭಯ ನಾಯಕರ ಹಸ್ತಲಾಘವ ಮತ್ತು ಉಭಯ ಕುಶಲೋಪರಿಗೆ ವಿಶೇಷ ಅರ್ಥ ಕಲ್ಪಿಸುವ ಮತ್ತು ಹೆಚ್ಚಿನ ಮಹತ್ವ ನೀಡುವ ಅಗತ್ಯವಿಲ್ಲ ಎಂದು ರಾಷ್ಟ್ರೀಯ ಭದ್ರತಾ ಉಪ ಸಲಹೆಗಾರ ಬೆನ್‌ ರೋಡ್ಸ್‌ ಹೇಳಿದ್ದಾರೆ.
ಕ್ಯೂಬಾದ ನಾಯಕ ಕ್ಯಾಸ್ಟ್ರೊ ಅವರೊಂದಿಗೆ ಶುಭಾಶಯ ವಿನಿಮಯ ಮಾಡಿಕೊಳ್ಳುತ್ತಿರುವ ವಿಷಯ ಒಬಾಮ ಅರಿವಿಗಿತ್ತು. ಭಾಷಣ ಮಾಡಲು ವೇದಿಕೆಯತ್ತ ತೆರಳುವಾಗ ಸಹಜವಾಗಿ ಒಬಾಮ ಉಳಿದ ನಾಯಕರಿಗೆ ಹಸ್ತಲಾಘವ ಮಾಡಿದಂತೆಯೇ ಕ್ಯಾಸ್ಟ್ರೊ ಅವರ ಜತೆಯೂ ಹಸ್ತಲಾಘವ ಮಾಡಿದರು. ಆದರೆ, ಕ್ಯೂಬಾದ ಬಗೆಗಿನ ಒಬಾಮ ಅವರ ನಿಲುವಿನಲ್ಲಿ ಯಾವುದೇ ಬದಲಾವಣೆಯಾಗುವುದಿಲ್ಲ ಎಂದು ಅವರು ಇದೇ ವೇಳೆ ಸ್ಪಷ್ಟಪಡಿಸಿದರು. ನೆಲ್ಸನ್‌ ಮಂಡೇಲಾ ಅವರಿಗೆ ಗೌರವ ಸಲ್ಲಿಸುವ ವಿಷಯದ ಹೊರತಾಗಿ ಉಳಿದ ವಿಷಯಗಳು ಇಲ್ಲಿ ಗೌಣವಾಗುತ್ತವೆ ಎಂದು ರೋಡ್ಸ್‌ ತಿಳಿಸಿದರು.
