ಹೊಸ ವಾಹನ ದೋಸ್ತ್ ಬಿಡುಗಡೆ

ಹುಬ್ಬಳ್ಳಿ: ಅಶೋಕ ಲೇಲ್ಯಾಂಡ್‌ನ ಲಘು ವಾಣಿಜ್ಯ ವಾಹನಗಳ ಅಧಿಕೃತ ಮಾರಾಟದ ಕುಮಾರ ಎಂಜಿನಿಯರಿಂಗ್ ಕಂಪೆನಿ ಉದ್ಘಾಟನೆ ಹಾಗೂ ದೋಸ್ತ್ ಎಂಬ ಲಘು ವಾಹನ ಬಿಡುಗಡೆ ಸಮಾರಂಭ ಗುರುವಾರ ರಾಯಾಪುರದಲ್ಲಿ ನಡೆಯಿತು.

ಅಶೋಕ ಲೇಲ್ಯಾಂಡ್ ಕಂಪೆನಿಯ ಕಾರ್ಯನಿರ್ವಾಹಕ ನಿರ್ದೇಶಕ ನಿತಿನ್ ಸೇಠ್, ಮೂರುಸಾವಿರಮಠದ ಗುರುಸಿದ್ಧ ರಾಜಯೋಗೀಂದ್ರ ಸ್ವಾಮೀಜಿ ಹಾಗೂ ಶಿರಹಟ್ಟಿ ಫಕೀರೇಶ್ವರ ಸ್ವಾಮೀಜಿ ಮಳಿಗೆ ಹಾಗೂ ವಾಹನವನ್ನು ಉದ್ಘಾಟಿಸಿದರು.

ನಂತರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಅಶೋಕ ಲೇಲ್ಯಾಂಡ್ ಕಂಪೆನಿಯ ಕಾರ್ಯನಿರ್ವಾಹಕ ನಿರ್ದೇಶಕ ನಿತಿನ್ ಸೇಠ್, `ಕುಮಾರ ಎಂಜಿನಿಯರಿಂಗ್ ಕಂಪೆನಿಯು ಉತ್ತರ ಕರ್ನಾಟಕದ ಮೊದಲ ಅಧಿಕೃತ ಮಾರಾಟ ಮಳಿಗೆ. ಈಗಾಗಲೇ ಬೆಂಗಳೂರಿನಲ್ಲಿ ಮಳಿಗೆ ಆರಂಭಗೊಂಡಿದೆ.

ಶೀಘ್ರದಲ್ಲೇ ಮಂಗಳೂರಲ್ಲಿ ಮಾರಾಟ ಮಳಿಗೆ ಉದ್ಘಾಟನೆಗೊಳ್ಳಲಿದೆ. ಉತ್ತರ ಕರ್ನಾಟಕದಾದ್ಯಂತ ದೋಸ್ತ್ ವಾಹನಗಳ ಬೇಡಿಕೆ ಹೆಚ್ಚಿದೆ. ದೀಪಾವಳಿ ಹೊತ್ತಿಗೆ ವಾಹನಗಳ ಮಾರಾಟ ಸಂಖ್ಯೆ ನೂರು ದಾಟಲಿದೆ~ ಎಂದು ಅವರು ಹೆಮ್ಮೆಯಿಂದ ಹೇಳಿದರು.