ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹೋಗಿ ಬನ್ನಿ... ನಿಮಗೆ ವಿದಾಯ

Last Updated 11 ಫೆಬ್ರುವರಿ 2012, 19:30 IST
ಅಕ್ಷರ ಗಾತ್ರ

ಹೋಗಿ ಬನ್ನಿ
ನಿಮಗೆ ವಿದಾಯ

ಈ ರಾತ್ರಿ
ನಾನು ಸರಾಗವಾಗಿ
ನೋವಿನಾಳದ ಸಾಲುಗಳನ್ನು
ಬರೆಯುವ ಸಮಯ

ಭೂಮಿ ಗುಂಡಗಿದ್ದರೂ
ಮತ್ತೆ ಸಿಗುತ್ತೀರೋ ಇಲ್ಲವೋ ಎಂಬ
ಆತಂಕದಿಂದ
ಬರೆವ ಸಮಯ

ಪಕ್ಕದ ಕಾಲುವೆಯ ನೀರು
ತುಂಬಿ
ಹರಿವ ಸಮಯ
ನೀರಹೊಂಡದಲಿ ಮೀನೊಂದು ಚಿಮ್ಮಿ
ಹರಿವ ಹೊತ್ತಲ್ಲಿ
ನಿಮ್ಮ ನೆನಪು ಈ ಧಮನಿಯ ತುಂಬ
ಹರಿಯುತ್ತದೆ

ನಾಳೆಯಿಂದ ನೀವಿಲ್ಲ
ನಾನಿಲ್ಲ
ಬರೀ ಶೂನ್ಯದ್ದೆ ಸಮಯವೆಲ್ಲ

ಹಚ್ಚಿದ ಬಣ್ಣವ ಒರೆಸಿ
ಹೊಸದನ್ನು ಹಚ್ಚಿದರೂ
ಹಳೆಯದರ ವಾಸನೆ
ಗುರುತಿಗೆ
ಹೇಳಬಹುದೇ ವಿದಾಯ?

ನೀವು
ಓಡಾಡಿದ ಹಾದಿ ಹುಲ್ಲು ಬೆಳೆಯುತ್ತದೆ
ಮುಳ್ಳುಕಂಟಿ ಲಂಟಾನ ಕೂಡ.
ನಕ್ಕ ನಗೆ, ಬಿಟ್ಟ ನಿಟ್ಟುಸಿರು
ಗಾಳಿಯಲಿ ತೇಲಿ ಅಲೆಯುತ್ತದೆ

ಷೇಕ್ಸ್‌ಪಿಯರ್ ಓದುವಾಗ
ಧೋ ಎಂದು ಮಳೆ ಸುರಿವಾಗ
ಅಲಿಕಲ್ಲು ಬೀಳುವಾಗ
ಉಯ್ಯಾಲೆ ತೂಗುವಾಗ
ನಾನು
ನೆನಪಾದರೆ...

ಸರಿ,
ಹೋಗಿಬನ್ನಿ
ನಿಮಗೆ ವಿದಾಯ...

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT