ಹೋಸ್ನಿ ಬದುಕು- ತಿರುವು

ಅವರು ಈಜಿಪ್ಟ್‌ನ ಅಧ್ಯಕ್ಷರಾದದ್ದು ಯಾವಾಗ?
ಅಕ್ಟೋಬರ್ 14, 1981ರಲ್ಲಿ ಸಾದತ್ ಹತ್ಯೆಯಾಯಿತು. ಆಗ ಮುಬಾರಕ್‌ಗೆ ಅಧ್ಯಕ್ಷ ಗಾದಿ ಸಿಕ್ಕಿದ್ದು. ಅಲ್ಲಿಂದ 2011ರವರೆಗೆ 29 ವರ್ಷ ಮುಬಾಕರ್ ಕುರ್ಚಿ ಬಿಡಲೇ ಇಲ್ಲ. ಈಜಿಪ್ಟ್‌ನ ಇತಿಹಾಸದಲ್ಲೇ ಅಷ್ಟು ಸುದೀರ್ಘ ಅವಧಿಯವರೆಗೆ ಯಾರೂ ಅಧ್ಯಕ್ಷರಾಗಿರಲಿಲ್ಲ.

1981ರಲ್ಲಿ ಮುಬಾಕರ್ ಎಮರ್ಜೆನ್ಸಿ ಘೋಷಿಸಿ ಸರ್ಕಾರಕ್ಕೆ ಯಾರನ್ನು ಬೇಕಾದರೂ ಬಂಧಿಸುವ ಅಧಿಕಾರ ಕೊಟ್ಟರು. ನಾಗರಿಕರ ಮೂಲ ಸ್ವಾತಂತ್ರ್ಯವನ್ನೇ ಹರಣ ಮಾಡಿದ ಘಟನೆಯಿದು. ಇತ್ತೀಚಿನ ವರ್ಷಗಳಲ್ಲಿ ಪ್ರಜಾಪ್ರಭುತ್ವ ಬೇಕೆಂದು ಈಜಿಪ್ಟ್‌ನಲ್ಲಿ ಚಳವಳಿಗಳು ತೀವ್ರಗೊಂಡಿದ್ದವು.

ಜನವರಿ 2011ರಲ್ಲಿ ಆದದ್ದೇನು?
ಜನವರಿ 25ರಂದು ದೇಶದ ವಿವಿಧೆಡೆ ಮುಬಾರಕ್ ಆಡಳಿತ ಕೊನೆಗಾಣಿಸುವಂತೆ ಒತ್ತಾಯಿಸಿ ಹಿಂಸಾತ್ಮಕ ಪ್ರತಿಭಟನೆಗಳು ಶುರುವಾದವು. 18 ದಿನ ನಡೆದ ಪ್ರತಿಭಟನೆಗಳಿಂದಾಗಿ ಮುಬಾರಕ್ ಫೆಬ್ರುವರಿ 11ರಂದು ರಾಜೀನಾಮೆ ನೀಡಿದರು.

ಅವರು ಭಾರತಕ್ಕೆ ಬಂದಿದ್ದರೇ?
ಎರಡು ಸಲ ಬಂದಿದ್ದರು. 1983ರಲ್ಲಿ ಅಲಿಪ್ತ ಚಳವಳಿಯ ಸಭೆಯಲ್ಲಿ ಭಾಗವಹಿಸಲು ದೆಹಲಿಗೆ ಬಂದಿದ್ದರು. ನವೆಂಬರ್ 2008ರಲ್ಲಿ ಆರ್ಥಿಕ ಸಂಬಂಧ ಸುಧಾರಿಸುವ ಸಲುವಾಗಿ ಭಾರತದ ಜೊತೆ ಮಾತುಕತೆ ನಡೆಸಲು ಬಂದಿದ್ದರು. ಅಂತರ್‌ರಾಷ್ಟ್ರೀಯ ಜ್ಞಾನಕ್ಕಾಗಿ ನೀಡುವ ಜವಾಹರಲಾಲ್ ನೆಹರು ಪ್ರಶಸ್ತಿಗೂ ಮುಬಾಕರ್ 1995ರಲ್ಲಿ ಭಾಜನರಾಗಿದ್ದರು.