`ಈವ್' ನಿಷಿದ್ಧ ಫಲವನ್ನು ತಿಂದಾಕ್ಷಣ, ಅವಳ ಸಂಗಾತಿ ಆದಿಮನೂ ಅದೇ ಫಲವನ್ನು ತಿನ್ನುತ್ತಾನೆ. ಇಬ್ಬರೂ ದೈವತ್ವದಿಂದ ಮನುಷ್ಯತ್ವಕ್ಕೆ ಇಳಿಯುತ್ತಾರೆ. ಮನುಷ್ಯ ಸಹಜವಾದ ನಾಚಿಕೆ, ಭಯ, ಪ್ರೀತಿ, ಕೋಪ, ಅಸೂಯೆಗಳು ಅವರನ್ನು ಆವರಿಸಿಕೊಳ್ಳುತ್ತವೆ. ಅದು ಮನುಷ್ಯ ಕುಲದ ಬೆಳವಣಿಗೆಗೆ ಮೊದಲ ಮೆಟ್ಟಿಲಾಗುತ್ತದೆ. ತನ್ನ ಒಳದನಿಗೆ ಮನಸ್ಸು ಕೊಟ್ಟು `ಈವ್' ತೋರಿದ ಅವಿಧೇಯತೆಯು ಕ್ರಿಯಾಶೀಲ ಧೈರ್ಯಕ್ಕೆ ಸ್ಫೂರ್ತಿ ಎನಿಸುತ್ತದೆ. ನೋವು- ನಲಿವು, ಸುಖ- ದುಃಖ, ಜನನ- ಮರಣ ಎಲ್ಲವೂ ಇರುವ ಮಾನವ ಜಗತ್ತಿನ ಸೃಷ್ಟಿಗೆ `ಈವ್'ಳೇ ಕಾರಣಳಾಗುತ್ತಾಳೆ.