ಬೆಂಗಳೂರು: ಇಂಡಿಯನ್ ರೈಲ್ವೆ ಕೇಟರಿಂಗ್ ಅಂಡ್ ಟೂರಿಸಂ ಕಾರ್ಪೊರೇಷನ್ (ಐಆರ್ಸಿಟಿಸಿ) ಥಾಯ್ಲೆಂಡ್ ಪ್ರವಾಸ ಪ್ಯಾಕೇಜ್ ಪ್ರಕಟಿಸಿದೆ. ಈ ಪ್ರವಾಸದ ವೆಚ್ಚ ಓರ್ವ ವ್ಯಕ್ತಿಗೆ ರೂ.35,670. ಹೋಗುವ ಮತ್ತು ಬರುವ ವಿಮಾನ ಟಿಕೆಟ್ಗಳು, ಊಟ, ವಸತಿ, ಪ್ರವಾಸಿ ವಿಮೆ ಇದರಲ್ಲಿ ಸೇರಿದೆ.
ಸ್ಪೈಸ್ ಜೆಟ್ ವಿಮಾನದ ಮೂಲಕ ಮೊದಲ 30 ಜನರ ತಂಡವನ್ನು ಜನವರಿ 29ರಂದು ಥಾಯ್ಲೆಂಡ್ಗೆ ಕರೆದೊಯ್ಯಲು ಯೋಜನೆ ರೂಪಿಸಲಾಗಿದೆ ಎಂದು ‘ಐಆರ್ಸಿಟಿಸಿ’ನ ಬೆಂಗಳೂರು ಪ್ರಾದೇಶಿಕ ಕಚೇರಿಯ ಮುಖ್ಯ ಪ್ರಾದೇಶಿಕ ವ್ಯವಸ್ಥಾಪಕ ಟಿ.ಆರ್.ಬೋಜ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.