ಬಾಲಸೋರ್/ಒಡಿಶಾ (ಪಿಟಿಐ): ಅಣ್ವಸ್ತ್ರ ಸಿಡಿತಲೆಗಳನ್ನು ಹೊತ್ತೊಯ್ಯಬಲ್ಲ, ಸ್ವದೇಶಿ ತಂತ್ರಜ್ಞಾನದಿಂದ ಅಭಿವೃದ್ಧಿಪಡಿಸಲಾದ ಭಾರತದ ಮಹತ್ವಾಕಾಂಕ್ಷಿ ಕ್ಷಿಪಣಿ ‘ಪೃಥ್ವಿ–2’ನ ಪರೀಕ್ಷಾರ್ಥ ಉಡಾವಣೆ ಮಂಗಳವಾರ ಯಶಸ್ವಿಯಾಗಿ ಜರುಗಿತು.
ಇಲ್ಲಿನ ಚಾಂದಿಪುರದ ಸಮಗ್ರ ಪರೀಕ್ಷಾ ವಲಯದ ಸಂಚಾರಿ ಉಡ್ಡಯನ ಸಂಕೀರ್ಣ–3ರಿಂದ ಬೆಳಿಗ್ಗೆ 9.48ಕ್ಕೆ “ಪೃಥ್ವಿ- 2’ಅನ್ನು ಉಡಾಯಿಸಲಾಯಿತು.
ಭೂಮಿಯಿಂದ ಭೂಮಿಗೆ ಚಿಮ್ಮುವ ಈ ಕ್ಷಿಪಣಿ 350 ಕಿ.ಮೀ. ಕ್ರಮಿಸಬಲ್ಲದು. 500ರಿಂದ 1000 ಕೆ.ಜಿ.ಯ ಸಿಡಿತಲೆಗಳನ್ನು -ಹೊತ್ತೊಯ್ಯಬಲ್ಲ ಸಾಮರ್ಥ್ಯವುಳ್ಳ ‘ಪೃಥ್ವಿ–2’, ಎರಡು ಇಂಜಿನ್‌ಗಳನ್ನು ಹೊಂದಿದ್ದು, ಅಭ್ಯಾಸ ಕಾರ್ಯಾಚರಣೆಗೆ ಬಳಸಬಹುದಾಗಿದೆ ಎಂದು ರಕ್ಷಣಾ ಮೂಲಗಳು ತಿಳಿಸಿವೆ.
