ನಟಿ ಪ್ರಿಯಾಂಕಾ ಚೋಪ್ರಾ ಹೈದರಾಬಾದ್‌ಗೆ ಭೇಟಿ ನೀಡುವುದಕ್ಕೂ ಮುನ್ನ ‘ಜಂಜೀರ್’ ಚಿತ್ರದ ಸಹ ನಟ ರಾಮ್ಚರಣ್ ತೇಜಾ ಅವರಿಗೆ ಈ ಪಾಟಿ ಅಭಿಮಾನಿಗಳಿದ್ದಾರೆ ಎಂಬುದು ತಿಳಿದಿರಲೇ ಇರಲಿಲ್ಲವಂತೆ. ಚಿತ್ರದ ಪ್ರಚಾರಕ್ಕೆಂದು ಹೈದರಾಬಾದ್‌ಗೆ ಬಂದಿದ್ದ ಪ್ರಿಯಾಂಕಾ ಚೋಪ್ರಾ, ಅಲ್ಲಿನ ಜನ ರಾಮ್ಚರಣ್ ಅವರನ್ನು ಅಡಿಗಡಿಗೂ ಹಿಂಬಾಲಿಸುವುದನ್ನು ಕಂಡು ದಂಗಾಗಿ ಹೋದರಂತೆ.
1973ರಲ್ಲಿ ತೆರೆಕಂಡಿದ್ದ ಹಿಂದಿಯ ಆ್ಯಕ್ಷನ್‌, ಥ್ರಿಲ್ಲರ್‌ ಚಿತ್ರ ‘ಜಂಜೀರ್’ನ ಮರುಸೃಷ್ಟಿಯಲ್ಲಿ ರಾಮ್ಚರಣ್ ತೇಜಾ ಜತೆಗೆ ಪ್ರಿಯಾಂಕಾ ನಟಿಸಿದ್ದಾರೆ. ‘ಜಂಜೀರ್ ಚಿತ್ರದಲ್ಲಿ ನಟಿಸುವುದಕ್ಕೂ ಮುನ್ನ ನನಗೆ ರಾಮ್ಚರಣ್ ಬಗ್ಗೆ ನಿಜಕ್ಕೂ ಏನೂ ತಿಳಿದಿರಲಿಲ್ಲ. ನಾನು ಹೈದರಾಬಾದ್‌ಗೆ ಭೇಟಿ ನೀಡಿದ ಮೇಲೆಯೇ ಅವರಿಗೆ ಇಲ್ಲಿ ಇಷ್ಟೊಂದು ಜನಪ್ರಿಯತೆ ಇದೆ ಎಂದು ಗೊತ್ತಾದದ್ದು.
