ರಾಜ್ಯ ಸರ್ಕಾರವು ಒಡಿಶಾ ಸರ್ಕಾರ ಮತ್ತು ಅಲ್ಲಿನ ಉನ್ನತ ಪೊಲೀಸ್ ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸಿ, ಸಹೋ-ದರನನ್ನು ಶೀಘ್ರವೇ ಹುಡುಕಿಸಿಕೊಡಲಿ’ ಎಂದು ಭುವನೇಶ್ವರಕ್ಕೆ ಹೋಗಿರುವ ಇಬ್ರಾಹಿಂ ಸಹೋದರ ಸುಭಾನ್ ತಮ್ಮನ್ನು ಸಂಪರ್ಕಿಸಿದ ‘ಪ್ರಜಾವಾಣಿ’ ಮೂಲಕ ಮನವಿ ಮಾಡಿದರು.
‘ಬಕ್ರೀದ್ ಹಬ್ಬಕ್ಕೆ ಇಬ್ರಾಹಿಂ ಇಲ್ಲಿಗೆ ಬಂದು ಹೋಗಿದ್ದ. ಮಗ ಬೇಗನೇ ಮನೆಗೆ ಬರುವಂತಾಗಲಿ...’ ಎಂದು ಯಶವಂತನಗರದ ಮನೆಯಲ್ಲಿದ್ದ ಅವರ ತಂದೆ ಗಿಡ್ಡುಸಾಬ್ ಕಣ್ಣೀರಿಟ್ಟರು.‘ಇಬ್ರಾಹಿಂ ಬೈಕ್ ಕಚೇರಿಯಿಂದ ಸ್ವಲ್ಪ ದೂರದಲ್ಲಿಯ ಖಾಸಗಿ ಆಸ್ಪತ್ರೆಯ ಮುಂದೆ ಪತ್ತೆಯಾಗಿದ್ದು, ಅವರು ನಾಪತ್ತೆಯಾಗಿ ಒಂದು ವಾರವಾದರೂ ಯಾವುದೇ ಸುಳಿವು ಸಿಕ್ಕಿಲ್ಲ’ ಎಂದು ಕುಟುಂಬದ ಸದಸ್ಯರು ಕಳವಳ ವ್ಯಕ್ತಪಡಿಸಿದರು.
‘ಗೃಹ ಸಚಿವ ಮತ್ತು ರಾಜ್ಯ ಪೊಲೀಸ್ ವರಿಷ್ಠರೊಂದಿಗೆ ಮಾತನಾಡಿದ್ದು, ಅವರೂ ಒಡಿಶಾ ಪೊಲೀಸ್ ವರಿಷ್ಠರೊಂದಿಗೆ ಮಾತುಕತೆ ನಡೆಸಿದ್ದಾರೆ. ವಿಧಾನ ಮಂಡಲದ ಅಧಿವೇಶನದಲ್ಲಿಯೂ ಈ ವಿಷಯ ಪ್ರಸ್ತಾಪಿಸುವೆ’ ಎಂದು ಶಾಸಕ ಈ.ತುಕಾರಾಂ ತಿಳಿಸಿದರು.