ಈ ಕಾರು ದೇಶಿ ಮಾರುಕಟ್ಟೆಯಲ್ಲಿ ಹೋಂಡಾ ಸಿಟಿ, ಸ್ಕೋಡಾ ಸ್ಲ್ಯಾವಿಯಾ, ಫೋಕ್ಸ್‌ವ್ಯಾಗನ್ ವರ್ಟಸ್ ಮತ್ತು ಮಾರುತಿ ಸುಜುಕಿ ಸಿಯಾಜ್ ಕಾರುಗಳಿಗೆ ಪೈಪೋಟಿ ನೀಡಲಿದೆ.

1.5 ಲೀಟರ್ ಎಂಜಿನ್ ಸಾಮರ್ಥ್ಯದ ಹೊಸ ವರ್ನಾ ಕಾರಿನ ಬೆಲೆಯು ₹ 10.89 ಲಕ್ಷದಿಂದ ₹ 16.19 ಲಕ್ಷದವರೆಗೆ ಇದೆ. 1.5 ಲೀಟರ್ ಸಾಮರ್ಥ್ಯದ ಟರ್ಬೊ ಪೆಟ್ರೋಲ್ ಎಂಜಿನ್ ಹೊಂದಿರುವ ಕಾರಿನ ಬೆಲೆಯು ₹ 14.83 ಲಕ್ಷದಿಂದ ₹ 17.37 ಲಕ್ಷದವರೆಗೆ ಇದೆ.

ಕಂಪನಿ ಹೇಳಿರುವ ಪ್ರಕಾರ ಈ ಮಾದರಿಯ ಕಾರುಗಳ ಇಂಧನ ದಕ್ಷತೆಯು ಲೀಟರಿಗೆ 18.6 ಕಿ.ಮೀ.ನಿಂದ 20.6 ಕಿ.ಮೀ.ವರೆಗೆ ಇರಲಿದೆ. ಈ ವರ್ಷ ಸರಿಸುಮಾರು 40 ಸಾವಿರ ವರ್ನಾ ಕಾರುಗಳನ್ನು ಮಾರಾಟ ಮಾಡುವ ಗುರಿಯನ್ನು ಕಂಪನಿ ಹೊಂದಿದೆ.