‘ಸುಮಾರು ಒಂದು ದಶಕದ ಕಾಲ ಅರಣ್ಯ ಇಲಾಖೆಯ ವಿವಿಧ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡ ಅನುಭವ ಇತ್ತು. ಪೆಟ್ರೋಲಿಂಗ್ ಸೇರಿದಂತೆ ಇಲಾಖೆಯ ಅನೇಕ ಅಗತ್ಯಗಳಿಗೆ ಅರಣ್ಯದೊಳಗೆ ಬೈಕ್, ಜೀಪ್ಗಳು ನಿತ್ಯ ಹಲವಾರು ಕಿ.ಮೀ ಸಂಚರಿಸುತ್ತವೆ. ವಾಹನಗಳ ಸದ್ದಿನಿಂದ ಪ್ರಾಣಿಗಳಿಗೆ ತೊಂದರೆ ಆಗುವುದರ ಜತೆಗೆ, ಇಂಧನ ಚಾಲಿತ ವಾಹನಗಳಿಂದ ಪರಿಸರಕ್ಕೆ ಧಕ್ಕೆಯಾಗುತ್ತದೆ. ಇದನ್ನು ಮನಗಂಡು, ಕೋವಿಡ್ ಎರಡನೇ ಲಾಕ್ಡೌನ್ ವೇಳೆ ಸಂಶೋಧನಾ ವಿದ್ಯಾರ್ಥಿಗಳನ್ನು ಒಳಗೊಂಡ ತಂಡ ನಿರಂತರ ನಾಲ್ಕು ತಿಂಗಳು ಶ್ರಮವಹಿಸಿ, ಇ–ಬೈಕ್ ವಿನ್ಯಾಸಗೊಳಿಸಿದೆ’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.