ನವದೆಹಲಿ: ಐಷಾರಾಮಿ ಕಾರು ತಯಾರಿಸುವ ಔಡಿ ಕಂಪನಿಯು ತನ್ನ ಮುಂಬರುವ ಎಸ್‌ಯುವಿ ‘ಕ್ಯು2’ಗೆ ಬುಕಿಂಗ್‌ ಆರಂಭಿಸಿದೆ.
ಇದೇ ತಿಂಗಳಿನಲ್ಲಿ ಭಾರತದ ಮಾರುಕಟ್ಟೆಗೆ ಬಿಡುಗಡೆ ಆಗಲಿದೆ. ಭಾರತದಲ್ಲಿ ಬಿಡುಗಡೆ ಮಾಡುತ್ತಿರುವ ಐದನೇ ಉತ್ಪನ್ನ ಇದಾಗಿದೆ. ಕಂಪನಿಯ ಜಾಲತಾಣ ಅಥವಾ ಸ್ಥಳೀಯ ಡೀಲರ್‌ ಬಳಿ ₹ 2 ಲಕ್ಷ ಪಾವತಿಸಿ ಬುಕಿಂಗ್‌ ಮಾಡಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
2 ಲೀಟರ್ ಪೆಟ್ರೋಲ್‌ ಎಂಜಿನ್‌ ಕ್ವಾಟ್ರೊ ತಂತ್ರಜ್ಞಾನ ಹೊಂದಿದೆ. ಮೊದಲ ಬಾರಿಗೆ ಐಷಾರಾಮಿ ಕಾರು ಖರೀದಿಸಲು ಬಯಸುವ ಹರೆಯದವರನ್ನು ಗುರಿಯಾಗಿಸಿಕೊಂಡು ಯೋಜನೆ ರೂಪಿಸಲಾಗಿದೆ ಎಂದು ಹೇಳಿದೆ.
