ತಾಂತ್ರಿಕ ದೋಷ: ಏಳು ಲಕ್ಷಕ್ಕೂ ಅಧಿಕ ಕಾರುಗಳ ಬಿಡಿಭಾಗ ಬದಲಾಯಿಸಿಕೊಡಲಿದೆ ಹೋಂಡಾ

ಸುಮಾರು 7,61,000 ಕಾರುಗಳಲ್ಲಿ ಜಾಗತಿಕವಾಗಿ ಫುಯೆಲ್ ಪಂಪ್ ಸಮಸ್ಯೆ ಕಾಣಿಸಿಕೊಂಡಿದೆ. ಅದರಿಂದ ಎಂಜಿನ್ ತೊಂದರೆ ಕಾಣಿಸಿಕೊಳ್ಳುತ್ತಿದೆ. ಹೀಗಾಗಿ ಅವುಗಳನ್ನು ಕಂಪನಿ ಬದಲಾಯಿಸಿಕೊಡಲಿದೆ.

ಈ ಪೈಕಿ 6,28,000 ಕಾರುಗಳು ಅಮೆರಿಕದಲ್ಲಿವೆ. ಮತ್ತು 2018ರಿಂದ 2020ರ ಅವಧಿಯಲ್ಲಿ ತಯಾರಾದ ಅಕ್ಯುರಾ ಮತ್ತು ಹೋಂಡಾ ಕಾರುಗಳಿವೆ. ಆದರೆ ಈ ದೋಷದಿಂದ ಕಾರು ಅಪಘಾತಕ್ಕೀಡಾದ ಯಾವುದೇ ವರದಿ ಬಂದಿಲ್ಲ ಎಂದು ಕಂಪನಿ ಹೇಳಿದೆ.

ಹೋಂಡಾ ಅಕೋರ್ಡ್, ಸಿವಿಕ್, ಸಿಆರ್-ವಿ ಮತ್ತಿತರ ಮಾದರಿಗಳು ಕೂಡ ಸೇರಿವೆ.