ಮುಂಬೈ (ಪಿಟಿಐ): ಬ್ಯಾಂಕುಗಳಲ್ಲಿ ಗ್ರಾಹಕರು ಇಟ್ಟಿರುವ ಉಳಿತಾಯ ಖಾತೆಗಳ ಮೇಲಿನ ಬಡ್ಡಿದರಗಳನ್ನು ಶೇ. 3.5 ರಿಂದ ಶೇ. 4 ಕ್ಕೆ ಹೆಚ್ಚಿಸಿ ಗ್ರಾಹಕರ ಮೊಗದಲ್ಲಿ ಮಂದಹಾಸ ಮೂಡಿಸಿದೆ.
ಇದರ ಜತೆಗೆ ಆರ್ ಬಿ ಐ ತನ್ನ ಅಲ್ಪಾವಧಿ ಬಡ್ಡಿ ದರಗಳನ್ನೂ ಶೇ. 0.5 ರಷ್ಟು ಹೆಚ್ಚಿಸಿರುವುದು ಗೃಹ ಹಾಗೂ ಮತ್ತಿತರ ಸಾಲಗಳ ಬಡ್ಡಿದರಗಳು ಹೆಚ್ಚುವ ಭೀತಿ ಮೂಡಿಸಿದೆ.
ಜಾಗತಿಕ ಮಾರುಕಟ್ಟೆಯಲ್ಲಿನ ಅನಿಶ್ಚಿತ ವಾತಾವರಣದಿಂದಾಗಿ 2011-12ರ ಆರ್ಥಿಕ ವೃದ್ದಿ ದರವು ಸರ್ಕಾರ ಹೇಳಿರುವಂತೆ ಶೇ. 9 ರ ಬದಲಿಗೆ ಶೇ. 8 ರಷ್ಟು ಇರಲಿದೆ ಎಂದೂ ಆರ್ ಬಿ ಐ ಅಂದಾಜು ಮಾಡಿದೆ.
ಜಾಗತಿಕ ತೈಲ ಬೆಲೆಗಳ ಮಟ್ಟಕ್ಕೆ ಸ್ಥಳೀಯ ತೈಲೋತ್ಪನ್ನಗಳನ್ನೂ ಹೆಚ್ಚಿಸಬೇಕೆಂದು ಹೇಳಿರುವ ರಿಸರ್ವ್ ಬ್ಯಾಂಕ್ ಇಲ್ಲದೆ ಇದ್ದರೆ ಭಾರಿ ವಿತ್ತೀಯ ಕೊರತೆ ಎದುರಾಗಲಿದೆ ಎಂಬ ಎಚ್ಚರಿಕೆಯ ಸಂದೇಶವನ್ನೂ ನೀಡಿದೆ.
