87 ನಿಮಿಷದಲ್ಲಿ ಬಜೆಟ್‌ ಮಂಡಿಸಿದ ನಿರ್ಮಲಾ ಸೀತಾರಾಮನ್‌

ಹಿಂದಿನ ವರ್ಷ 92 ನಿಮಿಷಕ್ಕೆ ಮುಗಿಸಿದ್ದರು. ಇದು ಅತ್ಯಂತ ಕಡಿಮೆ ಅವಧಿಯ ಬಜೆಟ್‌ ಭಾಷಣ ಎಂಬ ದಾಖಲೆ ಮಾಡಿತ್ತು. 2021ರಲ್ಲಿ ಒಂದು ಗಂಟೆ 50 ನಿಮಿಷಗಳ ಕಾಲ ಮಾತನಾಡಿದ್ದರು.

2020ರಲ್ಲಿ 2 ಗಂಟೆ 40 ನಿಮಿಷ ಬಜೆಟ್‌ ಮಂಡಿಸಿ ಸುದೀರ್ಘ ಬಜೆಟ್‌ ಮಂಡನೆ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದರು. ಈ ಬಜೆಟ್‌ ವೇಳೆ ಅವರು ಸಣ್ಣ ವಿರಾಮವನ್ನು ತೆಗೆದುಕೊಂಡಿದ್ದರು. ‌

ಅಮೃತ ಕಾಲದ ಮೊದಲ ಬಜೆಟ್‌ ಎಂದು ಇಂದಿನ ಭಾಷಣ ಪ್ರಾರಂಭಿಸಿದ ಸೀತಾರಾಮನ್‌, ಸಮಗ್ರ ಅಭಿವೃದ್ಧಿಯೇ ನರೇಂದ್ರ ಮೋದಿ ಸರ್ಕಾರದ ಮೊದಲ ಆದ್ಯತೆ ಎಂದರು.