ನವದೆಹಲಿ: ಸಚಿವರ ವೇತನ, ಪ್ರವಾಸ, ವಿದೇಶಿ ಅತಿಥಿಗಳ ಮನರಂಜನೆ ಸೇರಿದಂತೆ ಕೇಂದ್ರ ಸಚಿವ ಸಂಪುಟದ ವಿವಿಧ ಕಚೇರಿಗಳ ಖರ್ಚು ವೆಚ್ಚಕ್ಕಾಗಿ ಈ ಬಾರಿಯ ಬಜೆಟ್ನಲ್ಲಿ ₹1,258.68 ಕೋಟಿ ಮೀಸಲಿಡಲಾಗಿದೆ.
ಈ ಮೊತ್ತದಲ್ಲಿ ಮಂತ್ರಿಗಳ ಪರಿಷತ್ತಿಗೆ ₹832.81 ಕೋಟಿ, ರಾಷ್ಟ್ರೀಯ ಭದ್ರತಾ ಮಂಡಳಿಯ ಸೆಕ್ರೆಟರಿಯೇಟ್ಗೆ ₹185.7 ಕೋಟಿ ಹಾಗೂ ಪ್ರಧಾನ ವೈಜ್ಞಾನಿಕ ಸಲಹೆಗಾರರ ಕಚೇರಿಗೆ ₹96.93 ಕೋಟಿ ಹಂಚಿಕೆ ಮಾಡಲಾಗಿದೆ.
ಪ್ರಧಾನ ಮಂತ್ರಿಗಳ ಕಾರ್ಯಾಲಯಕ್ಕೆ ₹62.65 ಕೋಟಿ ಹಾಗೂ ಕ್ಯಾಬಿನೆಟ್ ಸೆಕ್ರೆಟರಿಯೇಟ್ಗೆ ₹71.91 ಕೋಟಿ ಮೀಸಲಿಡಲಾಗಿದೆ.
