ಕಿರು, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳಿಗೆ (ಎಂಎಸ್‌ಎಂಇ) ₹ 1 ಕೋಟಿವರೆಗಿನ ಸಾಲವನ್ನು ಒಂದು ಗಂಟೆಯ ಅವಧಿ ಒಳಗೆ ಮಂಜೂರು ಮಾಡಲು ಕಳೆದ ವರ್ಷ ಆರಂಭಿಸಿದ್ದ psbloansin59minutes ಅಂತರ್ಜಾಲ ತಾಣವನ್ನು ಗೃಹ, ವಾಹನ ಮತ್ತಿತರ ಸಾಲ ಮಂಜೂರಾತಿಗೂ ಬಳಸಿಕೊಳ್ಳಲು ಬ್ಯಾಂಕ್‌ಗಳು ಮುಂದಾಗಿವೆ. ಈ ಇಂಟರ್‌ನೆಟ್‌ ತಾಣದಲ್ಲಿ ರಿಟೇಲ್‌ ಸಾಲಗಳಿಗೆ ಒಂದು ಗಂಟೆಯ ಅವಧಿಯೊಳಗೆ ತಾತ್ವಿಕ ಅನುಮೋದನೆ ನೀಡಲು ಸಾಧ್ಯವಾಗಲಿದೆ. ಈ ಸೌಲಭ್ಯದಡಿ ಸಾಲ ಮಂಜೂರಾತಿಯ ಗರಿಷ್ಠ ಮಿತಿಯನ್ನು ₹ 5 ಕೋಟಿಗೆ ವಿಸ್ತರಿಸಲೂ ಕೆಲ ಬ್ಯಾಂಕ್‌ಗಳು ನಿರ್ಧರಿಸಿವೆ.
