ನವದೆಹಲಿ: ಅದಾನಿ ಗ್ರೀನ್‌ ಎನರ್ಜಿ ಕಂಪನಿಯು ಮಾರುಕಟ್ಟೆಯಿಂದ ₹ 2,500 ಕೋಟಿ ಸಂಗ್ರಹಿಸಲು ಷೇರುದಾರರ ಒಪ್ಪಿಗೆ ಪಡೆದುಕೊಂಡಿದೆ.
ಗುರುವಾರ ನಡೆದ ವಾರ್ಷಿಕ ಮಹಾಸಭೆಯಲ್ಲಿ ಬಂಡವಾಳ ಸಂಗ್ರಹಿಸಲು ಒಪ್ಪಿಗೆ ಪಡೆದುಕೊಳ್ಳಲಾಗಿದೆ.ಒಂದು ಅಥವಾ ಎರಡು ಹಂತಗಳಲ್ಲಿ ಬಂಡವಾಳ ಸಂಗ್ರಹಿಸಲಾಗುವುದು ಷೇರುಪೇಟೆಗೆ ಶನಿವಾರ ಮಾಹಿತಿ ನೀಡಿದೆ.
ಗೌತಮ್‌ ಎಸ್‌. ಅದಾನಿ ಅವರನ್ನು ನಿರ್ದೇಶಕರನ್ನಾಗಿ ಮರು ನೇಮಕ ಮಾಡಲು ಷೇರುದಾರರು ಸಮ್ಮತಿಸಿದ್ದಾರೆ.
ವಹಿವಾಟಿನ ಪ್ರಗತಿ ಮತ್ತು ವಿಸ್ತರಣೆಯ ಮತ್ತು ಕಂಪನಿಯ ಹಣಕಾಸು ಸ್ಥಿತಿಯನ್ನು ಬಲಪಡಿಸುವ ಉದ್ದೇಶದಿಂದ ಅಗತ್ಯಕ್ಕೆ ತಕ್ಕಂತೆ ಹೆಚ್ಚುವರಿ ಬಂಡವಾಳದ ಬಳಕೆ ಮತ್ತು ದೀರ್ಘಾವಧಿಗೆ ಬಂಡವಾಳ ಸಂಗ್ರಹಿಸುವ ಕುರಿತಾಗಿಯೂ ಷೇರುದಾರರ ಒಪ್ಪಿಗೆ ಪಡೆದಿರುವುದಾಗಿ ಹೇಳಿದೆ.
ಅಹಮದಾಬಾದ್‌ನಲ್ಲಿರುವ ಅದಾನಿ ಹೌಸ್‌ನಿಂದ ಅದಾನಿ ಕಾರ್ಪರೇಟ್‌ ಹೌಸ್‌ಗೆ ಕಚೇರಿಯನ್ನು ಸ್ಥಳಾಂತರಿಸುವ ನಿರ್ಧಾರಕ್ಕೂ ಒಪ್ಪಿಗೆ ದೊರೆತಿದೆ.
