ನವದೆಹಲಿ: ಟಾಟಾ ಸಮೂಹ ಒಡೆತನದ ಏರ್‌ ಇಂಡಿಯಾ, ಏರ್ಬಸ್ ನಿರ್ಮಿತ ವಿಮಾನಗಳನ್ನು (ಎ350) ಖರೀದಿಸಲು ನಿರ್ಧರಿಸಿದೆ. ಮುಂದಿನ ಮಾರ್ಚ್‌ ವೇಳೆಗೆ ಮೊದಲ ವಿಮಾನವು ಸಂಸ್ಥೆಯನ್ನು ತಲುಪಲಿದೆ ಎಂದು ಮೂಲಗಳು ತಿಳಿಸಿವೆ.
ಆದರೆ, ಏರ್‌ ಇಂಡಿಯಾ ಖರೀದಿಸಲಿರುವ ವಿಮಾನಗಳ ಸಂಖ್ಯೆ ಎಷ್ಟು ಎಂಬ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ಇವೇ ಮೂಲಗಳು ಹೇಳಿವೆ.
ಏರ್ಬಸ್ ಎ350 ವಿಮಾನ ಬೃಹತ್‌ ಗಾತ್ರದ ಇಂಧನ ಟ್ಯಾಂಕ್‌ ಹೊಂದಿರುತ್ತದೆ. ಭಾರತದಿಂದ ಅಮೆರಿಕ ಸೇರಿದಂತೆ ದೂರದ ಪ್ರಯಾಣಕ್ಕೆ ಇದರಿಂದ ಅನುಕೂಲವಾಗಲಿದೆ.
2006ರಲ್ಲಿ ಏರ್‌ ಇಂಡಿಯಾ ಒಟ್ಟು 111 ವಿಮಾನಗಳನ್ನು ಖರೀದಿಸಿತ್ತು. ಅಮೆರಿಕದ ಬೋಯಿಂಗ್‌ 68 ಹಾಗೂ ಯುರೋಪ್‌ನ ಏರ್ಬಸ್ 43 ವಿಮಾನಗಳನ್ನು ಪೂರೈಸಿದ್ದವು. ನಂತರ, ಸಂಸ್ಥೆಯು ಏರ್‌ಬಸ್‌ನ ವಿಮಾನಗಳನ್ನು ಖರೀದಿ ಮಾಡಿರಲಿಲ್ಲ ಎಂದು ಮೂಲಗಳು ಹೇಳಿವೆ.
