ಪ್ಯಾರಿಸ್/ನವದೆಹಲಿ (ರಾಯಿಟರ್ಸ್): ಏರ್‌ ಇಂಡಿಯಾ ಕಂಪನಿಯು ಗರಿಷ್ಠ 500 ವಿಮಾನಗಳ ಖರೀದಿಗೆ ಏರ್‌ಬಸ್‌ ಹಾಗೂ ಬೋಯಿಂಗ್‌ ಕಂಪನಿಗೆ ಕಾರ್ಯಾದೇಶ ನೀಡಲು ಮುಂದಾಗಿದೆ ಎಂದು ಮೂಲಗಳು ಹೇಳಿವೆ.
ಈ ಒಪ್ಪಂದದ ಒಟ್ಟು ಮೊತ್ತವು ₹ 8.24 ಲಕ್ಷ ಕೋಟಿಗಿಂತ ಹೆಚ್ಚಾಗಬಹುದು ಎಂದು ಮೂಲಗಳು ಹೇಳಿವೆ. ಇದು ವಿಮಾನಯಾನ ಕ್ಷೇತ್ರದಲ್ಲಿನ ಅತಿದೊಡ್ಡ ಖರೀದಿಗಳಲ್ಲಿ ಒಂದಾಗಲಿದೆ. ಹಿಂದೆ ಅಮೆರಿಕನ್ ಏರ್‌ಲೈನ್ಸ್ ಕಂಪನಿಯು 460 ವಿಮಾನಗಳನ್ನು ಖರೀದಿಸಿತ್ತು.
ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಲು ಏರ್‌ಬಸ್‌ ಹಾಗೂ ಬೋಯಿಂಗ್‌ ನಿರಾಕರಿಸಿವೆ. ಏರ್‌ ಇಂಡಿಯಾ ಕಡೆಯಿಂದಲೂ ಯಾವುದೇ ಪ್ರತಿಕ್ರಿಯೆ ದೊರೆತಿಲ್ಲ.
