ನವದೆಹಲಿ: ಸಣ್ಣ ಉದ್ದಿಮೆಗಳಿಗೆ ನೆರವು ಕಲ್ಪಿಸಲು ಇ–ಕಾಮರ್ಸ್‌ ದೈತ್ಯ ಸಂಸ್ಥೆ ಅಮೆಜಾನ್‌, ಇದೇ 27ರಂದು ಸಣ್ಣ ಉದ್ದಿಮೆ ದಿನ ಆಚರಿಸಲಿದೆ.
ಕೋವಿಡ್‌ನಿಂದಾಗಿರುವ ವಹಿವಾಟು ನಷ್ಟದಿಂದ ಹೊರಬರಲು ಈ ಕಾರ್ಯಕ್ರಮವು ಸಣ್ಣ ಉದ್ದಿಮೆದಾರರಿಗೆ ಅವಕಾಶ ಒದಗಿಸಲಿದೆ ಎಂದು ಕಂಪನಿ ತಿಳಿಸಿದೆ.
ಕಿರು, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆ (ಎಂಎಸ್ಎಂಇ) ದಿನದ ಆಚರಣೆ ಸಂದರ್ಭದಲ್ಲಿ ಸಣ್ಣ ಉದ್ದಿಮೆದಾರರು, ಕುಶಲಕರ್ಮಿಗಳು, ನೇಕಾರರು ಮತ್ತು ನವೋದ್ಯಮಗಳ ಉತ್ಪನ್ನಗಳ ಮಾರಾಟಕ್ಕೆ ವಿಶೇಷ ಅವಕಾಶ ಕಲ್ಪಿಸಿಕೊಡಲಾಗುವುದು.
ಸಂಸ್ಥೆಯ ಕಾರ್ಯಕ್ರಮಗಳಾದ ಲೋಕಲ್‌ ಶಾಪ್ಸ್‌, ಅಮೆಜಾನ್‌ ಲಾಂಚ್‌ಪ್ಯಾಡ್‌, ಸಹೇಲಿ ಮತ್ತು ಕಾರಿಗಾರ್‌ ಮೂಲಕ ಗ್ರಾಹಕರಿಗೆ ವಿಶಿಷ್ಟ ಉತ್ಪನ್ನಗಳನ್ನು ಖರೀದಿಸುವ ಅವಕಾಶ ಒದಗಿಸಿಕೊಡಲಿದೆ.
ಕರಕುಶಲ ವಸ್ತುಗಳು, ಪಾದರಕ್ಷೆಗಳು, ಅಡುಗೆ ಮನೆ ಪರಿಕರ, ಫ್ಯಾಷನ್‌ ವಸ್ತ್ರಗಳು ‘ಇಂಡಿಯಾ ಬಜಾರ್‌’, ಬಜೆಟ್‌ ಬಾಯ್ಸ್‌ ಮತ್ತು ಬೆಸ್ಟ್‌ಸೆಲ್ಲರ್‌ ಮಳಿಗೆಗಳಲ್ಲಿ ಲಭ್ಯ ಇರಲಿವೆ.
