ನವದೆಹಲಿ: ಅಮೆಜಾನ್ ಡಾಟ್ ಇನ್ ಶನಿವಾರದಿಂದ ಅಕ್ಟೋಬರ್ 10ರವರೆಗೆ ಕರಕುಶಲ ಮೇಳ ಆಯೋಜಿಸಿದೆ.
8 ಲಕ್ಷಕ್ಕೂ ಅಧಿಕ ಕುಶಲಕರ್ಮಿಗಳು ಮತ್ತು ನೇಕಾರರು, ಸರ್ಕಾರದ 17 ವಾಣಿಜ್ಯ ಕೇಂದ್ರಗಳು ಹಾಗೂ ರಾಷ್ಟ್ರೀಯ ಮಟ್ಟದ ಕರಕುಶಲ ಸಂಘಗಳು ಹಾಗೂ ಅಮೆಜಾನ್ನ 1,500ಕ್ಕೂ ಅಧಿಕ ಕರಿಗರ್ ಮಾರಾಟಗಾರರು ಸಹ ಇದರಲ್ಲಿ ಭಾಗವಹಿಸಲಿವೆ ಎಂದು ಅಮೆಜಾನ್ ಇಂಡಿಯಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಮೇಳದಲ್ಲಿ 55 ಸಾವಿರಕ್ಕೂ ಅಧಿಕ ಉತ್ಪನ್ನಗಳನ್ನು ಪ್ರದರ್ಶಿಸಲಾಗುವುದು. ದೇಶದಾದ್ಯಂತ ಇರುವ ಕುಶಲಕರ್ಮಿಗಳು ಹಾಗೂ ನೇಕಾರರ ಉತ್ಪನ್ನಗಳನ್ನು ಖರೀದಿಸಲು ಅವಕಾಶ ಸಿಗಲಿದೆ ಎಂದು ಹೇಳಿದೆ.