ಮಾನವ–ಪ್ರಾಣಿ ಸಂಘರ್ಷ ತಡೆಗೆ ಆ್ಯಪ್‌

ಈ ಆ್ಯಪ್‌ಗೆ ಫೌನಾಟಿ (FaunaT) ಎಂದು ಹೆಸರಿಡಲಾಗಿದೆ. ಅರಣ್ಯ ಸಿಬ್ಬಂದಿಯು ಕಾಡಿನಲ್ಲಿ ತಾವು ಸಂಚರಿಸುವ ಸ್ಥಳದಲ್ಲಿನ ಮಾಹಿತಿ ದಾಖಲಿಸಿಕೊಳ್ಳಲು ಹಾಗೂ ಪರಸ್ಪರ ಹಂಚಿಕೊಳ್ಳಲು ನೆರವಾಗಲಿದೆ. ಆಂಡ್ರಾಯ್ಡ್ ಮೊಬೈಲ್‌ಗಳಲ್ಲಿ ಕಾರ್ಯ
ನಿರ್ವಹಿಸುವ ಸರಳ ಕಿರುತಂತ್ರಾಂಶ ಇದಾಗಿದೆ.

ಜಿಪಿಎಸ್ ಬಳಸಿ ಈ ಆ್ಯಪ್‌ ಸಹಾಯದಿಂದ ವನ್ಯಜೀವಿಗಳ ಚಲನವಲನ, ಪ್ರಾಣಿಗಳ ಬೇಟೆಯಾಡುವಂತಹ ಅಪರಾಧ ಚಟುವಟಿಕೆಗಳನ್ನು ದಾಖಲಿಸಲು ಇದು ನೆರವಾಗಲಿದೆ. ಅರಣ್ಯ ಸಂರಕ್ಷಕರ ಗಸ್ತು ತಿರುಗುವ ಮಾರ್ಗದ ನಕ್ಷೆ ವಿವರವನ್ನೂ ದಾಖಲಿಸಿಕೊಳ್ಳಲಿದ್ದು, ದೈನಂದಿನ ಚಟುವಟಿಕೆ, ಕಾರ್ಯನಿರ್ವಹಣೆಯ ಮಾಹಿತಿಗಳನ್ನೂ ಪಡೆಯಬಹುದಾಗಿದೆ.