ನವದೆಹಲಿ: ಓಲಾ, ಊಬರ್ ಸೇರಿದಂತೆಇ–ವಾಣಿಜ್ಯ ವೇದಿಕೆಗಳ ಮೂಲಕ ನೀಡುವ ಆಟೊ ರಿಕ್ಷಾ ಸೇವೆಗಳಿಗೆ ಜನವರಿ 1ರಿಂದ ಶೇಕಡ 5ರಷ್ಟು ಜಿಎಸ್ಟಿ ಅನ್ವಯ ಆಗಲಿದೆ.
ಇ–ವಾಣಿಜ್ಯ ವೇದಿಕೆಗಳ ಮೂಲಕ ಆಟೊ ರಿಕ್ಷಾ ಸೇವೆ ಒದಗಿಸುವುದಕ್ಕೆ ಇದ್ದ ಜಿಎಸ್ಟಿ ವಿನಾಯಿತಿಯನ್ನು ಹಿಂದಕ್ಕೆ ಪಡೆಯುವ ವಿಚಾರವನ್ನು ಕೇಂದ್ರ ಹಣಕಾಸು ಸಚಿವಾಲಯದ ಅಧೀನದ ರೆವೆನ್ಯು ಇಲಾಖೆ ಹೊರಡಿಸಿರುವ ಅಧಿಸೂಚನೆಯಲ್ಲಿ ಹೇಳಲಾಗಿದೆ.
ಆಟೊ ಚಾಲಕರು ಆಫ್ಲೈನ್ ಮೂಲಕ ನೀಡುವ ಸೇವೆಗಳಿಗೆ ಜಿಎಸ್ಟಿ ವಿನಾಯಿತಿಯು ಮುಂದುವರಿಯಲಿದೆ.