ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ ಆಫ್ ಬರೋಡಾ, ಮಾರ್ಚ್ 31ರವರೆಗೆ ಎಂಎಸ್‌ಎಂಇ ಉತ್ಸವ್ ಅಭಿಯಾನ ಹಮ್ಮಿಕೊಂಡಿದ್ದು ಇದರ ಭಾಗವಾಗಿ ಮಾರ್ಚ್ 5ರಂದು ಗ್ರಾಹಕರ ಸಮಾವೇಶ ಆಯೋಜಿಸಿತ್ತು.
ಬೆಂಗಳೂರು ವಲಯದ ಮುಖ್ಯಸ್ಥ ಸುಧಾಕರ ಡಿ. ನಾಯಕ್ ಅವರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ವಿದೇಶಿ ವಿನಿಮಯ ಸೇವೆಗಳು, ಎಂಎಸ್‌ಎಂಇ ವಲಯಕ್ಕೆ ಮೀಸಲಾಗಿರುವ ವಿಶೇಷ ಸೇವೆಗಳ ಬಗ್ಗೆ ಕಾರ್ಯಕ್ರಮದಲ್ಲಿ ಮಾಹಿತಿ ನೀಡಲಾಯಿತು ಎಂದು ಪ್ರಕಟಣೆ ತಿಳಿಸಿದೆ.
ಬ್ಯಾಂಕ್‌ನ ಹೊಸ ಗ್ರಾಹಕರಿಗೆ ಶೇ 6.55ರ ದರದಲ್ಲಿ ಸಾಲ ಒದಗಿಸಲಾಗುತ್ತಿದೆ. ಸಂಸ್ಕರಣಾ ಶುಲ್ಕದಲ್ಲಿ ರಿಯಾಯಿತಿ ನೀಡಲಾಗುತ್ತಿದೆ ಎಂದು ಕೂಡ ಪ್ರಕಟಣೆಯು ಹೇಳಿದೆ.
