ಭಾರತ್‌ಪೆ ಕಂಪನಿಯ ಅಶ್ನೀರ್ ಗ್ರೋವರ್ ಪತ್ನಿ ಮಾಧುರಿ ಗ್ರೋವರ್ ವಜಾ

ಅಶ್ನೀರ್ ಅವರು ಕಂಪನಿಯ ಸಹಸಂಸ್ಥಾಪಕರು. ಮಾಧುರಿ ಅವರು ಹಣಕಾಸಿನ ಅಕ್ರಮ ಎಸಗಿದ್ದಾರೆ, ನಕಲಿ ಇನ್‌ವಾಯ್ಸ್ ಸಲ್ಲಿಸಿದ್ದಾರೆ ಎಂಬ ಆರೋಪದ ಅಡಿಯಲ್ಲಿ ವಜಾ ಮಾಡಲಾಗಿದೆ.

ಈ ವಿಚಾರವಾಗಿ ಮಾಧುರಿ ಅವರ ಪ್ರತಿಕ್ರಿಯೆ ದೊರೆತಿಲ್ಲ. ಅವರನ್ನು ಹಿಂದಿನ ತಿಂಗಳು ರಜೆಯ ಮೇಲೆ ಕಳುಹಿಸಲಾಗಿತ್ತು. ಮಾಧುರಿ ಅವರು ಕುಟುಂಬದ ಸದಸ್ಯರಿಗೆ ಅಮೆರಿಕ ಮತ್ತು ದುಬೈಗೆ ಪ್ರವಾಸ ಆಯೋಜಿಸಿದ್ದರ ವೆಚ್ಚಗಳನ್ನು ಸಹ ಕಂಪನಿಗೆ ಹೊರಿಸಿದ್ದರು ಎಂದೂ ಅವರ ವಿರುದ್ಧ ಆರೋಪ ಮಾಡಲಾಗಿದೆ.