ನವದೆಹಲಿ: ಲಾಕ್ಡೌನ್ ಇರುವುದರಿಂದ ಫೋಕ್ಸ್ವ್ಯಾಗನ್, ಬಿಎಂಡಬ್ಲ್ಯು ಮತ್ತು ಮರ್ಸಿಡಿಸ್ ಕಂಪನಿಗಳುಆನ್ಲೈನ್ ಮೂಲಕ ವಾಹನಗಳನ್ನು ಮಾರಾಟ ಮಾಡಲು ಮುಂದಾಗಿವೆ.
ಮನೆಯಲ್ಲಿ ಇದ್ದುಕೊಂಡೇ ವಾಹನಗಳನ್ನು ಬುಕ್ ಮಾಡುವ ಆಯ್ಕೆಯನ್ನು ಗ್ರಾಹಕರಿಗೆ ನೀಡಿವೆ.
ತನ್ನ ಮಾರಾಟ ಮತ್ತು ಸೇವೆಯನ್ನು ಡಿಜಿಟಲೀಕರಣ ಮಾಡುತ್ತಿರುವುದಾಗಿ ಫೋಕ್ಸ್ವ್ಯಾಗನ್ ತಿಳಿಸಿದೆ. ಇದು ಅತ್ಯಂತ ಸುಲಭ ಮತ್ತು ಸರಳ ಪ್ರಕ್ರಿಯೆಯಾಗಿದ್ದು, ಗ್ರಾಹಕರು ತಮಗೆ ಬೇಕಾದ ಮಾದರಿಯನ್ನು ಆಯ್ಕೆ ಮಾಡಬಹುದಾಗಿದೆ ಎಂದು ತಿಳಿಸಿದೆ.
ಭಾರತದ ಗ್ರಾಹಕರಿಗಾಗಿ ವಿಶಿಷ್ಟವಾದ ಸಂಪರ್ಕರಹಿತ ಅನುಭವ ಸಿಗಲಿದೆ. ಹೊಸ ಮತ್ತು ಹಳೆಯ ಬಿಎಂಡಬ್ಲ್ಯು ಕಾರ್ಗಳ ಖರೀದಿ, ಸೇವೆಗಳು ಮತ್ತು ಆನ್ಲೈನ್ ಪಾವತಿ ಆಯ್ಕೆಗಳು ಲಭ್ಯ ಇವೆ ಎಂದು ಬಿಎಂಡಬ್ಲ್ಯು ತಿಳಿಸಿದೆ.
ಮರ್ಸಿಡಿಸ್ ಬೆಂಜ್ ಕಂಪನಿಯು ತನ್ನ ಆನ್ಲೈನ್ ವೇದಿಕೆಯನ್ನು ಇನ್ನಷ್ಟು ಅಭಿವೃದ್ಧಿಗೊಳಿಸಿದ್ದು, Merc from Home ಸೇರಿದಂತೆ ಇನ್ನೂ ಹಲವು ಗ್ರಾಹಕರ ಉತ್ತೇಜನಾ ಕ್ರಮಗಳನ್ನು ಜಾರಿಗೊಳಿಸಿದೆ. ಸಂಪೂರ್ಣವಾಗಿ ಡಿಜಿಟಲ್ ಪ್ರಕ್ರಿಯೆಯ ಮೂಲಕವೇ ಖರೀದಿಗೆ ಪ್ರಕ್ರಿಯೆಯ ವ್ಯವಸ್ಥೆ ಮಾಡಲಾಗಿದೆ ಎಂದೂ ಹೇಳಿದೆ.