ಶನಿವಾರ, ಡಿಸೆಂಬರ್ 5, 2020
19 °C

ಬಿಪಿಸಿಎಲ್‌ಗೆ ಬಿಡ್: ಗಡುವು ಇಂದು ಕೊನೆ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್‌ನ (ಬಿಪಿಸಿಎಲ್‌) ಖರೀದಿಗೆ ಆರಂಭಿಕ ಬಿಡ್ ಸಲ್ಲಿಸುವ ಗಡುವು ಸೋಮವಾರ ಕೊನೆಗೊಳ್ಳಲಿದೆ. ಬ್ರಿಟನ್ನಿನ ಬಿಪಿ, ಫ್ರಾನ್ಸ್‌ನ ಟೊಟಲ್ ಮತ್ತು ಸೌದಿ ಅರೇಬಿಯಾದ ಸೌದಿ ಆರಾಮ್ಕೊ ಕಂಪನಿಗಳು ಬಿಡ್ ಮಾಡುವ ಸಾಧ್ಯತೆಗಳು ಕಡಿಮೆ ಎನ್ನಲಾಗಿದೆ.

ಬಿಪಿಸಿಎಲ್‌ನಲ್ಲಿ ತಾನು ಹೊಂದಿರುವ ಅಷ್ಟೂ ಷೇರುಗಳನ್ನು (ಶೇಕಡ 52.98ರಷ್ಟು) ಸರ್ಕಾರ ಮಾರಾಟ ಮಾಡಲಿದೆ. ರಷ್ಯಾದ ರೊಸ್‌ನೆಫ್ಟ್‌ ಕೂಡ ಬಿಡ್ ಸಲ್ಲಿಸಲು ಆಸಕ್ತಿ ತೋರಿಸಿಲ್ಲ ಎಂದು ಮೂಲಗಳು ಹೇಳಿವೆ. ಸಾಂಪ್ರದಾ
ಯಿಕ ಇಂಧನಕ್ಕೆ ಕೋವಿಡ್–19 ಪಿಡುಗಿನ ಕಾರಣದಿಂದಾಗಿ ಸ್ಥಿರವಾದ ಬೇಡಿಕೆ ಇಲ್ಲದಿರುವುದರಿಂದ, ಬಿಪಿಸಿಎಲ್‌ ಕಂಪನಿಯನ್ನು ಖರೀದಿಸುವುದರಿಂದ ಲಾಭ ಇದೆಯೇ ಎಂಬ ಪ್ರಶ್ನೆ ಹೂಡಿಕೆದಾರರನ್ನು ಕಾಡುತ್ತಿದೆ ಎಂದು ಮೂಲವೊಂದು ಹೇಳಿದೆ.

ಸಾಂಪ್ರದಾಯಿಕ ಇಂಧನ ಕ್ಷೇತ್ರದಲ್ಲಿ ದೊಡ್ಡ ಹೂಡಿಕೆ ಹೊಂದಿರುವ ರಿಲಯನ್ಸ್ ಇಂಡಸ್ಟ್ರೀಸ್‌ ಲಿಮಿಟೆಡ್‌, ಬಿಪಿಸಿಎಲ್‌
ಅನ್ನು ಸ್ವಾಧೀನ ಮಾಡಿಕೊಂಡರೆ ಅದು ರಿಲಯನ್ಸ್‌ಗೆ ಲಾಭ ತಂದುಕೊಡಬಲ್ಲದು ಎಂದು ಮೂಲವು ಹೇಳಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು