ಬೆಂಗಳೂರು ಮೂಲದ ‘ಬೈಜೂಸ್’ನ ರವೀಂದ್ರನ್‌ಗೆ ಸಿಂಗಪುರದಲ್ಲಿ 6 ತಿಂಗಳ ಜೈಲು ಶಿಕ್ಷೆ

ಆಸ್ತಿಗೆ ಸಂಬಂಧಿಸಿದಂತೆ ನ್ಯಾಯಾಲಯದ ಆದೇಶಗಳನ್ನು ಪಾಲಿಸದ ಕಾರಣಕ್ಕೆ ಬೈಜು ರವೀಂದ್ರನ್‌ ಅವರಿಗೆ 6 ತಿಂಗಳ ಜೈಲು ಶಿಕ್ಷೆಯನ್ನು ಸಿಂಗಪುರದ ನ್ಯಾಯಾಲಯ ವಿಧಿಸಿದೆ.

ನ್ಯಾಯಾಲಯದ ಆದೇಶದಂತೆ ರವೀಂದ್ರನ್ ಅಧಿಕಾರಿಗಳ ಮುಂದೆ ಶರಣಾಗಬೇಕು ಮತ್ತು ಪ್ರಕರಣದ ವೆಚ್ಚವಾಗಿ 90,000 ಸಿಂಗಾಪುರ ಡಾಲರ್‌ಗಳನ್ನು ಪಾವತಿಸಬೇಕು.

ಬೀಯಾರ್ ಇನ್ವೆಸ್ಟ್‌ಕೋ ಪ್ರೈವೇಟ್ ಲಿಮಿಟೆಡ್ ಎಂಬ ಕಾರ್ಪೊರೇಟ್ ಸಂಸ್ಥೆಯ ಮೇಲಿನ ತಮ್ಮ ಕಾನೂನುಬದ್ಧ ಮಾಲೀಕತ್ವವನ್ನು ಸಾಬೀತುಪಡಿಸುವ ದಾಖಲೆಗಳನ್ನು ಸಲ್ಲಿಸಲು ನ್ಯಾಯಾಲಯ ಸೂಚಿಸಿದೆ.

ಈ ಶಿಕ್ಷೆಯು ಅಮೆರಿಕದ ಸಾಲದಾತರು 1.2 ಬಿಲಿಯನ್ ಡಾಲರ್ ಸಾಲ ಹಿಂಪಡೆಯಲು ನಡೆಸುತ್ತಿರುವ ಕಾನೂನು ಹೋರಾಟದ ನಡುವೆಯೇ ಪ್ರಕಟವಾಗಿದೆ.

ಕೇವಲ ಸಿಂಗಪುರ ಮಾತ್ರವಲ್ಲದೆ, ಕತಾರ್‌ನಲ್ಲಿಯೂ ರವೀಂದ್ರನ್ ಅವರ ವಿರುದ್ಧ ಮೊಕದ್ದಮೆ ದಾಖಲಾಗಿದ್ದು, ವಿಚಾರಣಾ ಪ್ರಕ್ರಿಯೆ ಜಾರಿಯಲ್ಲಿದೆ.