ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸೆಪ್ಟೆಂಬರ್‌ 1ರಿಂದ ಕಾರ್‌, ಬೈಕ್‌ ಖರೀದಿ ದುಬಾರಿ

Last Updated 31 ಆಗಸ್ಟ್ 2018, 11:00 IST
ಅಕ್ಷರ ಗಾತ್ರ

ನವದೆಹಲಿ: ದೀರ್ಘಾವಧಿ ಥರ್ಡ್‌ ಪಾರ್ಟಿ ವಿಮೆ ಕಡ್ಡಾಯಗೊಳಿಸಿರುವುದರಿಂದ ಸೆಪ್ಟೆಂಬರ್‌ 1ರಿಂದ ಹೊಸ ಕಾರ್‌, ಬೈಕ್‌ ಖರೀದಿಸುವುದು ದುಬಾರಿಯಾಗಲಿದೆ.

ಹೊಸ ಕಾರ್‌ಗಳಿಗೆ 3 ವರ್ಷ ಮತ್ತು ದ್ವಿಚಕ್ರ ವಾಹನಗಳಿಗೆ 5 ವರ್ಷಗಳ ಥರ್ಡ್‌ಪಾರ್ಟಿ ವಿಮೆ ಪಡೆದುಕೊಳ್ಳುವುದನ್ನು ವಿಮೆ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರವು (ಐಆರ್‌ಡಿಎಐ) ಸುಪ್ರೀಂಕೋರ್ಟ್‌ ಆದೇಶದ ಅನ್ವಯ ಕಡ್ಡಾಯ ಮಾಡಿದೆ.

ಕಾರ್‌ ಮತ್ತು ಬೈಕ್‌ಗಳ ಎಂಜಿನ್‌ ಸಾಮರ್ಥ್ಯ ಆಧರಿಸಿ ಈ ದೀರ್ಘಾವಧಿ ವಿಮೆ ವೆಚ್ಚ ವ್ಯತ್ಯಾಸವಾಗಲಿದೆ. ಮೋಟರ್‌ ವಾಹನಗಳ ಕಾಯ್ದೆ ಪ್ರಕಾರ, ಥರ್ಡ್‌ ಪಾರ್ಟಿ ವಿಮೆ ಕಡ್ಡಾಯವಾಗಿದೆ.

ಸಮಗ್ರ ವಿಮೆ ಸೌಲಭ್ಯದಡಿ, ಕಳ್ಳತನ, ಅಪಘಾತ ಸಂದರ್ಭಗಳಲ್ಲಿ ವಾಹನಕ್ಕೆ ಆಗುವ ಯಾವುದೇ ಬಗೆಯ ನಷ್ಟ ಭರ್ತಿ ಮಾಡಿಕೊಳ್ಳಲು ಕಾರ್‌ ಖರೀದಿದಾರರು 3 ವರ್ಷಗಳ ಥರ್ಡ್‌ ಪಾರ್ಟಿ ವಿಮೆ ಮತ್ತು ದ್ವಿಚಕ್ರ ವಾಹನಗಳಿಗೆ ಸಂಬಂಧಿಸಿದಂತೆ 5 ವರ್ಷಗಳ ವಿಮೆ ಪಡೆದುಕೊಳ್ಳಬೇಕು.

ಸುಪ್ರೀಂಕೋರ್ಟ್‌ ಆದೇಶದ ಪ್ರಕಾರ, ಸಾಮಾನ್ಯ ವಿಮೆ ಸಂಸ್ಥೆಗಳು ಹೊಸ ಕಾರ್‌ಗಳಿಗೆ 3 ವರ್ಷಗಳ ಮತ್ತು ಹೊಸ ಬೈಕ್‌ಗಳಿಗೆ 5 ವರ್ಷಗಳ ಥರ್ಡ್‌ಪಾರ್ಟಿ ವಿಮೆ ಸೌಲಭ್ಯವನ್ನೇ ಕಲ್ಪಿಸಿಕೊಡಬೇಕು. ಈ ಸಂಬಂಧ ‘ಐಆರ್‌ಡಿಎಐ’ ಸುತ್ತೋಲೆ ಕಳಿಸಿದೆ. ಸೆಪ್ಟೆಂಬರ್‌ 1ರಿಂದ ಮಾರಾಟ ಮಾಡುವ ವಿಮೆ ಯೋಜನೆಗಳಿಗೆ ಇದು ಕಡ್ಡಾಯವಾಗಿ ಅನ್ವಯವಾಗಲಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT