ನವದೆಹಲಿ: ದೇಶದ ಮೂಲಸೌಕರ್ಯ ವಲಯದ ಪ್ರಮುಖ 8 ಕೈಗಾರಿಕೆಗಳ ಪ್ರಗತಿಯು ಜುಲೈನಲ್ಲಿ ಶೇ 5.2ರಷ್ಟು ಭಾರಿ ಕುಸಿತ ಕಂಡಿದೆ. ದೇಶವು ಆರ್ಥಿಕ ಹಿಂಜರಿತ ಎದುರಿಸುತ್ತಿದೆ ಎನ್ನುವುದನ್ನು ಈ ಅಂಕಿ–ಅಂಶ ಸೂಚಿಸುತ್ತಿದೆ.
2018ರ ಜುಲೈನಲ್ಲಿ ಈ ಕೈಗಾರಿಕೆಗಳ ಪ್ರಗತಿ ಶೇ 7.3ರಷ್ಟಿತ್ತು. 2019ರಜುಲೈನಲ್ಲಿ ಶೇ 2.1ಕ್ಕೆ ಇಳಿಕೆಯಾಗಿದೆ.
ಕಲ್ಲಿದ್ದಲು, ಕಚ್ಚಾ ತೈಲ ಮತ್ತು ನೈಸರ್ಗಿಕ ಅನಿಲ ವಲಯದ ತಯಾರಿಕೆಯಲ್ಲಿ ಇಳಿಕೆಯಾಗಿದೆ. ಇದು ಮೂಲಸೌಕರ್ಯ ವಲಯದ ಒಟ್ಟಾರೆ ಬೆಳವಣಿಗೆಯ ಮೇಲೆ ಪ್ರತಿಕೂಲ ಪರಿಣಾಮಗಳನ್ನು ಬೀರಿದೆ ಎಂದು ಸರ್ಕಾರ ಮಾಹಿತಿ ನೀಡಿದೆ.
8 ಕೈಗಾರಿಕೆಗಳು: ಕಲ್ಲಿದ್ದಲು, ಕಚ್ಚಾ ತೈಲ, ನೈಸರ್ಗಿಕ ಅನಿಲ, ತೈಲಾಗಾರ ಉತ್ಪನ್ನಗಳು, ರಸಗೊಬ್ಬರ, ಉಕ್ಕು, ಸಿಮೆಂಟ್‌ ಮತ್ತು ವಿದ್ಯುತ್‌ಇವು ಪ್ರಮುಖ 8 ಕೈಗಾರಿಕೆಗಳಾಗಿವೆ.
ಕೈಗಾರಿಕಾ ಉತ್ಪಾದನೆ ಸೂಚ್ಯಂಕಕ್ಕೆ (ಐಐಪಿ) ಈ 8 ಕೈಗಾರಿಕೆಗಳು ಶೇ 40.27ರಷ್ಟು ಕೊಡುಗೆ ನೀಡುತ್ತಿವೆ.
ವಲಯದ ಏಪ್ರಿಲ್–ಜುಲೈ ಅವಧಿಯಲ್ಲಿನ ಬೆಳವಣಿಗೆಯು ಶೇ 5.9ರಿಂದ ಶೇ 3ಕ್ಕೆ ಬಹುತೇಕ ಅರ್ಧದಷ್ಟು ಇಳಿಕೆಯಾಗಿದೆ.
