ಮಂಗಳೂರು: ಸರ್ಕಾರಿ ಸ್ವಾಮ್ಯದ ಕಾರ್ಪೊರೇಷನ್ ಬ್ಯಾಂಕ್, ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ₹ 103 ಕೋಟಿ ನಿವ್ವಳ ಲಾಭ ಗಳಿಸಿದೆ.
ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿದ್ದ ₹ 85 ಕೋಟಿ ಲಾಭಕ್ಕೆ ಹೋಲಿಸಿದರೆ ಈ ಬಾರಿ ಲಾಭದಲ್ಲಿ ಶೇ. 22ರಷ್ಟು ಏರಿಕೆಯಾಗಿದೆ.
ಭವಿಷ್ಯದಲ್ಲಿ ಎದುರಾಗಬಹುದಾದ ಆರ್ಥಿಕ ನಷ್ಟ ಭರಿಸಲು ತೆಗೆದಿರಿಸುವ ಮೊತ್ತದಲ್ಲಿ ಇಳಿಕೆ ಆಗಿದೆ. ವಸೂಲಾಗದ ಸಾಲದ (ಎನ್ಪಿಎ) ಸರಾಸರಿ ಪ್ರಮಾಣ ಶೇ 17.44 ರಿಂದ ಶೇ 15.44ಕ್ಕೆ ಇಳಿಕೆಯಾಗಿದೆ. ನಿವ್ವಳ ಎನ್ಪಿಎ ಶೇ 11.46 ರಿಂದ ಶೇ 5.69ಕ್ಕೆ ಇಳಿಕೆಯಾಗಿದೆ.ಇದರಿಂದ ಲಾಭದಲ್ಲಿ ಏರಿಕೆಯಾಗಿದೆ ಎಂದು ಬ್ಯಾಂಕ್ ತಿಳಿಸಿದೆ.
ಒಟ್ಟಾರೆ ವರಮಾನ ₹ 4,978 ಕೋಟಿಯಿಂದ ₹ 4,418 ಕೋಟಿಗೆ ಇಳಿಕೆಯಾಗಿದೆ.
₹1,85,443 ಕೋಟಿ ಠೇವಣಿ ಸಂಗ್ರಹಿಸಿದ್ದು, ಶೇ 5.6 ರಷ್ಟು ಪ್ರಗತಿಯಾಗಿದೆ. ₹1,21,437 ಕೋಟಿ ಮುಂಗಡ ನೀಡಲಾಗಿದ್ದು,ಶೇ 4.41 ರಷ್ಟು ವೃದ್ಧಿಯಾಗಿದೆ. ಒಟ್ಟು ₹ 3,06,880 ಕೋಟಿ ವಹಿವಾಟು ನಡೆಸಲಾಗಿದೆ.