ನವದೆಹಲಿ: ದೇಶದಾದ್ಯಂತ ಡಿ–ಮಾರ್ಟ್ ಮಳಿಗೆಗಳನ್ನು ನಿಯಂತ್ರಿಸುತ್ತಿರುವ ಅವೆನ್ಯು ಸೂಪರ್ಮಾರ್ಕೆಟ್ಸ್ ಲಿಮಿಟೆಡ್, 2022ರ ಮಾರ್ಚ್ ತ್ರೈಮಾಸಿಕದಲ್ಲಿ ₹ 426.75 ಕೋಟಿ ಲಾಭ ಗಳಿಸಿದೆ.
ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಲಾಭವು ₹ 413.87 ಕೋಟಿ ಇತ್ತು. ಇದಕ್ಕೆ ಹೋಲಿಸಿದರೆ ಈ ಬಾರಿ ಲಾಭದಲ್ಲಿ ಶೇ 3.11ರಷ್ಟು ಹೆಚ್ಚಾಗಿದೆ ಎಂದು ಷೇರುಪೇಟೆಗೆ ಮಾಹಿತಿ ನೀಡಿದೆ.
ಕಾರ್ಯಾಚರಣಾ ವರಮಾನ ₹ 7,411 ಕೋಟಿಯಿಂದ ₹ 8,786 ಕೋಟಿಗೆ ಶೇ 18.55ರಷ್ಟು ಹೆಚ್ಚಾಗಿದೆ. 2022–22ರಲ್ಲಿ ಕಾರ್ಯಾಚರಣಾ ವರಮಾನ ₹ 24,143 ಕೋಟಿಯಿಂದ ₹ 30,976 ಕೋಟಿಗೆ ಏರಿಕೆ ಆಗಿದೆ.
