ಇದರಿಂದ ವೇತನದಾರರು ತಮ್ಮ ಭವಿಷ್ಯ ನಿಧಿ ಮೊತ್ತಕ್ಕೆ ಶೇ 0.15ರಷ್ಟು ಕಡಿಮೆ ಬಡ್ಡಿ ಆದಾಯ ಪಡೆಯಲಿದ್ದಾರೆ. ‘ಇಪಿಎಫ್‌ಒ’ದ ಹೂಡಿಕೆಗೆ ಕಡಿಮೆ ವರಮಾನ ಬಂದಿರುವುದರಿಂದ ಬಡ್ಡಿ ದರ ತಗ್ಗಿಸುವ ನಿರ್ಧಾರಕ್ಕೆ ಬರಲಾಗಿದೆ. ವಾರ್ಷಿಕ ಸಂಗ್ರಹವಾಗುವ ಮೊತ್ತದ ಶೇ 85ರಷ್ಟನ್ನು ಸಾಲದ ಮಾರುಕಟ್ಟೆಯಲ್ಲಿ ಮತ್ತು ಉಳಿದ ಶೇ 15ರಷ್ಟನ್ನು ಷೇರುಗಳಲ್ಲಿ ತೊಡಗಿಸಲಾಗುತ್ತದೆ. ಕುಂಠಿತ ಆರ್ಥಿಕ ಪ್ರಗತಿ ಕಾರಣಕ್ಕೆ ಸರ್ಕಾರದ ಸಾಲಪತ್ರ, ಸ್ಥಿರ ಠೇವಣಿ ಸೇರಿದಂತೆ ಸಾಲ ಮಾರುಕಟ್ಟೆಯಲ್ಲಿನ ಗಳಿಕೆ ಕಡಿಮೆಯಾಗಿದೆ.
